19 فروری ، 2025 
امریکی صدر ٹرمپ نے روسی ہم منصب پیوٹن سے ملاقات کا اشارہ دیدیا
19 فروری ، 2025
امریکی صدر ڈونلڈ ٹرمپ نے روسی ہم منصب ولادمیر پیوٹن سے ملاقات کا اشارہ دے دیا۔
غیر ملکی میڈیا رپورٹس کے مطابق وائٹ ہاؤس میں میڈیا سے گفتگو میں امریکی صدر ڈونلڈ ٹرمپ نے کہا ہے کہ یوکرین پر اچھی بات چیت ہوئی ہے، پراعتماد ہوں۔
امریکی صدر ٹرمپ نے کہا کہ میرا نہیں خیال کہ یورپ سے تمام فوج ہٹانی پڑے گی ، اگر یورپ امن دستے یوکرین میں رکھنا چاہتا ہے تو ٹھیک ہے ، ہم یوکرین کوئی فوجی نہیں بھیج رہے ، یوکرین کافی عرصہ پہلےڈیل کرسکتا تھا۔
ڈونلڈٹرمپ نے امکان ظاہر کیا کہ شاید اسی ماہ روسی صدر پیوٹن سے ملاقات ہوجائے۔
ان کا کہنا تھا کہ یوکرین کے صدر زیلنسکی کی مقبولیت 4فیصد سےبھی کم ہے، یوکرین میں الیکشن روس کا مطالبہ نہیں، یوکرین میں انتخابات نہ ہونے پر بعض ممالک کو تشویش ہے۔
اس کے علاوہ ٹرمپ نے کہا کہ گاڑیوں اور الیکٹرانک چپس کی بڑی کمپنیوں کی جلد امریکا واپسی کا اعلان کریں گے، امریکا میں کار پلانٹس قائم ہوں گے ،آٹو ٹیرف 25 فیصد کے قریب ہوگا۔
واضح رہے کہ امریکا اور روس کے درمیان یوکرین جنگ کے خاتمے کے لیے مذاکراتی ٹیمیں مقرر کرنے پر اتفاق ہو گیا ہے۔
منگل کو سعودی دارالحکومت ریاض میں امریکا اور روس کی اعلیٰ سطح کی ملاقات ہوئی۔ امریکی وزیر خارجہ مارکو روبیو نےکہا کہ روسی وفد سے 4 اصولی باتوں پر اتفاق ہوا ہے تاہم کئی نکات پر یورپی یونین کو بھی شامل ہونے کی ضرورت ہوگی۔
مزید خبریں :
بی جے پی کی ریکھا گپتا نے نئی دہلی کی وزارت اعلیٰ کا حلف اٹھالیا
20 فروری ، 2025
ڈونلڈ ٹرمپ نے یوکرینی صدر کو مزاحیہ اداکار قرار دیدیا
20 فروری ، 2025
کیتھولک عیسائیوں کے مذہبی پیشوا پوپ فرانسس ڈبل نمونیا میں مبتلا
19 فروری ، 2025
