19 فروری ، 2025 
اپنا ملک امریکا کے ہاتھوں بیچنے کو تیار نہیں: یوکرینی صدر
19 فروری ، 2025
کیف: یوکرین کے صدر ولادیمیر زیلینسکی کا کہنا ہے کہ امریکی صدر ڈونلڈ ٹرمپ روس کی بنائی ہوئی ڈس انفارمیشن کی دنیا میں جی رہے ہیں۔
زیلینسکی نے امریکا کے ساتھ قیمتی معدنیات کے معاہدے کا پہلا مسودہ مسترد کرتے ہوئے کہا کہ وہ اپنا ملک امریکا کے ہاتھوں بیچنے کو تیار نہیں ہیں، خاص طور پر جب امریکا یوکرین کے 50 فیصد معدنیات کی ملکیت کا مطالبہ کر رہا ہے اور جواب میں سکیورٹی کی ضمانت بھی نہیں دے رہا۔
اس سے قبل ٹرمپ نے کہا تھا ہے کہ وہ امریکی مدد کے بدلے یوکرین سے 500 ارب ڈالر مالیت کے معدنی ذخائر چاہتے ہیں اور ان کی ٹیم نے گزشتہ ہفتے ایک معاہدے کی تجویز پیش کی تھی۔
خیال رہے کہ صدر ٹرمپ نے امریکا- روس مذاکرات کے بعد یوکرین تنازع کے لیے یوکرین کو ہی مورد الزام ٹھہرادیا ہے۔
امریکی صدر کا کہنا ہے کہ یوکرین کو جنگ شروع نہیں کرنی چاہیے تھی، یوکرین معاہدہ کرسکتا تھا۔
اپنی رہائش گاہ مار اے لاگو میں صحافیوں سےگفتگو میں ٹرمپ نے کہا کہ یو کرین سعودی عرب میں امریکا روس اعلیٰ سطح بات چیت میں شامل نہ ہونے کے حوالے سے پریشان ہے لیکن یوکرین کو اس سےقبل 3 سال اور اس سے بھی زیادہ وقت ملا، یہ معاملہ آسانی سےحل ہوسکتا تھا اور معاہدہ کیا جاسکتا تھا۔
مزید خبریں :
بی جے پی کی ریکھا گپتا نے نئی دہلی کی وزارت اعلیٰ کا حلف اٹھالیا
20 فروری ، 2025
ڈونلڈ ٹرمپ نے یوکرینی صدر کو مزاحیہ اداکار قرار دیدیا
20 فروری ، 2025
