20 فروری ، 2025 
’واپسی زیادہ مضبوط ہوگی‘، چیمپئنز ٹرافی سے آؤٹ ہونے کے بعد فخر زمان کا بیان
20 فروری ، 2025
چیمپئنز ٹرافی کے پہلے میچ میں فیلڈنگ کے دوران انجری کا شکار ہوکر ایونٹ سے آؤٹ ہونے والے قومی ٹیم کے اوپنر فخر زمان نے بیان جاری کردیا۔
ایکس پر جاری بیان میں فخر زمان نے لکھا کہ ’سب سے بڑے اسٹیج پر پاکستان کی نمائندگی کرنا ہر قومی کرکٹر کیلئے ایک اعزاز اور خواب ہے، مجھے فخرہے کہ مجھے بھی پاکستان کی نمائندگی کا اعزاز حاصل ہوا ‘۔
فخر زمان نے اپنی ٹوئٹ میں کہا کہ’بدقسمتی سے میں اب آئی سی سی چیمپئنز ٹرافی 2025 سے باہر ہوں لیکن یقیناً اللہ بہترین منصوبہ ساز ہے، میں گھر سے اپنے کھلاڑیوں کو سپورٹ کروں گا‘۔
قومی کرکٹر نے مزید لکھا کہ ’ یہ تو صرف آغاز ہے، واپسی اس دھچکے سے زیادہ مضبوط ہوگی ‘۔
یاد رہے کہ فخر زمان چیمپئنز ٹرافی کے ابتدائی میچ میں فیلڈنگ کے دوران انجری کا شکار ہوکر ٹورنامنٹ سے باہر ہوگئے تھے جس کے بعد فخر کی جگہ ٹیم میں امام الحق کو شامل کرلیا گیا ہے۔
دوسری جانب قومی ٹیم بھارت کے خلاف 23 فروری کو ہونے والے میچ کے لیے کراچی سے دبئی کے لیے آج روانہ ہوگئی ہے۔
