حماس نے اسرائیلی یرغمالیوں کی لاشیں حوالے کرتے وقت اسٹیج پر امریکی ساختہ بم کیوں رکھے؟

غزہ: فلسطینی مزاحمتی تنظیم حماس نے آج غزہ جنگ بندی معاہدے کے تحت 4 اسرائیلی یرغمالیوں کی لاشیں ریڈ کراس کے حوالے کیں اور اس دوران اسٹیج پر لاشوں کے ساتھ امریکی ساختہ بم بھی رکھے نظر آئے۔

عرب میڈیا کے مطابق یرغمالیوں کی لاشیں ریڈ کراس کے حوالے کرنے کی تقریب میں اسٹیج پر رکھے امریکی بم فضا سے زمین پر مار کرنے والے جی بی یو 39 بم تھے۔

حماس کی جانب سے ان امریکی ساختہ بموں پر ایک تحریر بھی درج تھی جس میں ہلاک ہونے والے اسرائیلی یرغمالیوں کے حوالے سے کہا گیا تھا کہ یہ امریکی بموں سے ہلاک ہوئے۔

رفح: اسرائیل کی محفوظ قرار دیےگئے علاقے پر بمباری، درجنوں فلسطینی زندہ جل کر شہید

پناہ گزین کیمپ میں شمالی غزہ سے بے دخل فلسطینیوں کی بڑی تعداد مقیم ہے، آگ کے جھلسنے کے سبب مزید شہادتوں کا خدشہ ہے

خیال رہے کہ حماس کی جانب سے متعدد مرتبہ اسرائیلی بمباری میں غزہ میں موجود اسرائیلی یرغمالیوں کو نشانہ بنائے جانے کا اعلان کیا جاتا رہا ہے۔

مغربی میڈیا پر بھی اسرائیل کی جانب سے غزہ میں بمباری کے لیے امریکی ساختہ جی بی یو 39 بموں کے استعمال کے بارے میں بتایا جاتا رہا ہے۔

گزشتہ برس مئی میں امریکی اخبار نیویارک ٹائمز کی جانب سے انکشاف کیا گیا تھا اسرائیلی فوج نے غزہ کے علاقے رفح میں بے گھر فلسطینیوں کے کیمپ کو امریکی ساختہ جی بی یو 39 بموں سے نشانہ بنایا۔

اس اسرائیلی حملے کے باعث کیمپ میں آگ بھڑک اٹھی تھی جس کے نتیجے میں 40 سے زائد فلسطینی شہید اور 249 زخمی ہوگئے تھے۔

امریکی نیوز چینل سی این این نے بھی گزشتہ سال اپنی رپورٹ میں انکشاف کیا تھا کہ اسرائیلی فوج نے غزہ کے علاقے خان یونس میں ایک اسکول پر امریکی ساختہ جی بی یو 39 بموں کے ذریعے بمباری کی جس میں کم از کم 27 فلسطینی شہید اور 57 زخمی ہوگئے تھے۔

خیال رہے کہ  حماس نے غزہ جنگ بندی معاہدے کے تحت آج 4 اسرائیلی یرغمالیوں کی لاشیں ریڈ کراس کے حوالے کیں، حماس کی قید میں موجود چاروں اسرائیلی یرغمالی اسرائیل کی غزہ میں بمباری میں مارے گئے تھے۔

حماس نے چاروں فلسطینیوں کی لاشیں خان یونس میں ریڈ کراس کے حوالے کیں، اس دوران حماس کی جانب سے بینر بھی آویزاں کیے گئے تھے جن پر درج تھا جنگی مجرم نیتن یاہو اور اس کی نازی فوج نے صیہونی لڑاکا طیاروں سے میزائل برسائے، صیہونی لڑاکا طیاروں سے برسائے گئے میزائلوں سے یرغمالی مارے گئے۔

حماس نے تمام اسرائیلی قیدیوں کو ایک ساتھ رہا کرنے پر مشروط آمادگی ظاہر کردی

اسرائیل کی جانب سے حماس کو غیر مسلح کرنے کی باتیں ناقابل قبول ہیں، حماس

حماس نے اسرائیلی بمباری میں ہلاک 4 یرغمالیوں کی لاشیں ریڈ کراس کے حوالے کردیں

حماس نے چاروں اسرائیلی یرغمالیوں کی لاشیں خان یونس میں ریڈ کراس کے حوالے کیں