21 فروری ، 2025 
قومی ٹیم کی سلیکشن میں'پرچی' کی باتوں پر وسیم اکرم میدان میں آگئے
21 فروری ، 2025
چیمپئنز ٹرافی کے افتتاحی میچ میں پاکستان کی نیوزی لینڈ کے ہاتھوں شکست کے بعد سابق کپتان اور لیجنڈ وسیم اکرم قومی اسکواڈ سلیکشن کی حمایت میں سامنے آگئے۔
وسیم اکرم نے ٹیم کے انتخاب میں جانبداری کے الزامات کو سختی سے مسترد کیا ہے۔
ایک پروگرام میں بات کرتے ہوئے وسیم اکرم نے اس بات پر زور دیا کہ موجودہ ٹیم بہترین کھلاڑیوں پر مشتمل ہے اور ذاتی حوالوں کی بنیاد پر انتخاب کے دعوے درست نہیں ہیں۔
سابق کپتان نے کہا اگر آپ چاہتے ہیں کہ میں ایمانداری سے جواب دوں تو ہماری ثقافت میں ہم کہتے ہیں کہ یہ ہمارے بچے ہیں، ان پر تنقید نہ کریں لیکن مجھے یقین ہے کہ یہ ہمارے بہترین کھلاڑی ہیں، اگر کوئی ان سے بہتر ہوتا تو اسے منتخب کرلیا جاتا۔
وسیم اکرم کا کہنا تھا کہ لوگ پرچی پرچی (پسندیدگی پر مبنی انتخاب) کے نعرے بلند کرتے ہیں لیکن اس سطح پر پرچیاں کام نہیں کرتیں۔
واضح رہے کہ پاکستان کو چیمپئنز ٹرافی میں شدید دھچکا لگا ہے کیونکہ اوپننگ بلے باز فخر زمان انجری کے باعث ٹورنامنٹ سے باہر ہوگئے ہیں تاہم ان کی جگہ امام الحق کو شامل کیا گیا ہے۔
مزید خبریں :
سابق بھارتی کپتان سارو گنگولی کی گاڑی کو حادثہ
4 گھنٹے پہلے
ہیٹ ٹرک بال پر روہت کے کیچ ڈراپ کرنے پر اکشر پٹیل کا ردعمل آگیا
21 فروری ، 2025
