25 فروری ، 2025 
چیمپئنز ٹرافی میں بھارتی ٹیم کو فائدہ ہی فائدہ، پیٹ کمنز کی آئی سی سی پر تنقید
25 فروری ، 2025
بھارت کے چیمپئنز ٹرافی کے اپنے تمام میچ دبئی میں کھیلنے کی وجہ سے آسٹریلوی کپتان پیٹ کمنز نے غیر منصفانہ فائدے کے خدشات ظاہر کردیے۔
پیٹ کمنز نے بھارت کے ایک وینیو پر کھیلنے کو بڑا ایڈوانٹیج قرار دیا اور انٹرنیشنل کرکٹ کونسل (آئی سی سی) کے اس فیصلے پر تنقید کی۔
انہوں نے کہا کہ میرے خیال میں یہ اچھی بات ہے کہ ٹورنامنٹ آگے بڑھ سکتا ہے اور ظاہر ہے کہ بھارت کو ایک وینیو پر کھیلنے سے بہت بڑا ایڈوانٹیج حاصل ہے۔
آسٹریلوی کپتان نے کہا کہ بھارت کی ٹیم پہلے ہی بہت مضبوط دکھائی دیتی ہے۔
خیال رہے کہ پیٹ کمنز فی الحال ایکشن میں دکھائی نہیں دے رہے، انجری کی وجہ سے وہ چیمپئنز ٹرافی کا حصہ نہیں ہیں اور ان کی جگہ اسٹیو اسمتھ کپتانی کررہے ہیں۔
چیمپئنز ٹرافی میں بھارتی ٹیم اپنے تمام میچز دبئی میں کھیل رہی ہے جب کہ گروپ میچز کے لیے دیگر ٹیموں کو دبئی کا سفر کرنا پڑتا ہے۔
بھارتی ٹیم چیمپئنز ٹرافی کا پہلا سیمی فائنل بھی دبئی میں کھیلے گی۔
مزید خبریں :
سابق جرمن فٹبالر مسعود اوزل اردوان کی جماعت میں شامل ہوگئے
24 فروری ، 2025
انگلینڈ کے اہم بولر چیمپئنز ٹرافی سے باہر ہوگئے
24 فروری ، 2025
پاکستان نے بھارت کیخلاف میچ میں کتنی ڈاٹ بالز کھیلیں؟
24 فروری ، 2025
