26 فروری ، 2025 
افغانستان کی انگلینڈ کیخلاف تاریخی فتح، افغان طالبان رہنما کا ردعمل سامنے آگیا
26 فروری ، 2025
افغانستان کی اولمپک کمیٹی، فزیکل ٹریننگ اور اسپورٹس ڈیپارٹمنٹ کے سربراہ احمد اللہ واثق نے چیمپئنز ٹرافی میں افغان ٹیم کے ہاتھوں انگلینڈ کو شکست دینے پر ردعمل کا اظہار کیا ہے۔
افغانستان نے انگلینڈ کو 8 رنز سے شکست دیکر چیمپئنز ٹرافی سے باہر کردیا۔ افغانستان کی ٹیم نے پہلےکھیلتے ہوئے مقررہ 50 اوورز میں 7 وکٹوں کے نقصان پر 325 رنز بنائے۔ 326 رنز کے ہدف کے تعاقب میں انگلش ٹیم آخری اوور میں 317 رنز بنا کر آؤٹ ہوگئی۔
اس جیت پر افغانستان کی اولمپک کمیٹی کے سربراہ احمد اللہ واثق نے ردعمل میں انگلش ٹیم کو مغرور قرار دیا اور کہا کہ ’افغانستان کی کرکٹ ٹیم نے مغرور انگلینڈ کو شکست دے دی مبارک ہو‘۔
انہوں نے کہا کہ افغان کھلاڑیوں نے آج بیٹنگ میں اپنی صلاحیتوں کا مظاہرہ کیا اور ہر طرح سے اپنی صلاحیتوں کا مظاہرہ کیا۔ ان کا کہنا تھاکہ ٹیم کی مزید کامیابیوں کیلئے دعا گو ہیں۔
خیال رہے کہ رواں سال جنوری میں انگلینڈ کے سیاستدانوں اور 160 ارکان پارلیمنٹ نے چیمپئنز ٹرافی میں افغانستان کے خلاف میچ کے بائیکاٹ کا مطالبہ کیا تھا۔
مزید خبریں :
آئی سی سی نے ون ڈےکی نئی پلیئرز رینکنگ جاری کردی
6 گھنٹے پہلے
فخر زمان نے اپنی ریٹائرمنٹ کی خبروں کی تردید کردی
8 گھنٹے پہلے
