واٹس ایپ میں وائس ٹو ٹیکسٹ ٹرانسکرپشن فیچر 3 ماہ بعد صارفین کو دستیاب، استعمال کا طریقہ جانیں

واٹس ایپ کی جانب سے نومبر 2024 کے آخری عشرے میں واٹس نوٹ ٹرانسکرپشن فیچر متعارف کرانے کا اعلان کیا گیا تھا۔

اب لگ بھگ 3 ماہ بعد یہ فیچر دنیا بھر میں صارفین کو دستیاب ہے۔

یہ فیچر دنیا بھر میں اینڈرائیڈ صارفین کو دستیاب ہے جبکہ آئی فونز صارفین کو مزید کچھ انتظار کرنا ہوگا۔

یہ فیچر ایسے صارفین کے لیے گیم چینجر ہوگا جو کسی ایسی جگہ پر آڈیو میسج پر سن نہیں سکتے جہاں اردگرد لوگوں کے ہجوم کے باعث شور ہو رہا ہو۔

واٹس ایپ صارفین کیلئے وائس نوٹ ٹرانسکرائب کا فیچر متعارف کرانے کی تیاری

ٹرانسکرائب فیچر بنیادی طور پر آڈیو چیٹ کو لفظ بہ لفظ ٹیکسٹ نوٹ میں تبدیل کرنے کا ایک آسان طریقہ ہے

یہ نیا فیچر واٹس نوٹ کو تحریر یا ٹیکسٹ میں تبدیل کر دیتا ہے اور شور والے ماحول میں میسج کو سننے کی بجائے ٹیکسٹ شکل میں دیکھا جاسکتا ہے۔

خیال رہے کہ واٹس نوٹس اس میسجنگ ایپ میں بہت زیادہ مقبول ہیں اور ایک تخمینے کے مطابق 70 فیصد صارفین وائس میسجر بھیجتے ہیں۔

مگر کئی بار کسی میٹنگ میں شرکت کے دوران، سفر یا شور شرابے والی جگہوں پر واٹس میسجز کو سننا بہت مشکل ہو جاتا ہے اور اس کا حل وائس نوٹ ٹرانسکرپشن فیچر کی شکل میں پیش کیا گیا۔

اس فیچر کو کیسے استعمال کریں؟

واٹس نوٹ ٹرانسکرپشن فیچر کواستعمال کرنے کے لیے سب سے پہلے تو آپ کو واٹس ایپ کو تازہ ترین ورژن میں اپ ڈیٹ کرنا ہوگا۔

اس فیچر کو آپ کو خود سیٹنگز میں جاکر ان ایبل کرنا ہوگا۔

اس مقصد کے لیے واٹس ایپ سیٹنگز میں چیٹس آپشن میں جاکر وہاں نیچے اسکرول کریں اور وائس میسج ٹرانسکرپٹ کو ان ایبل کر دیں۔

اس کے بعد سب سے پہلے کسی ایسے وائس میسج کو پلے کریں جس کو ٹرانسکرائب کرنا چاہتے ہوں۔

اس وائس میسج پر کو کچھ دیر تک دبا کر رکھیں اور مور آپشنز میں ٹرانسکرائب آپشن کا انتخاب کریں۔

اس کے بعد جیسے ہی آپ وائس میسج سننا شروع کریں گے یہ فیچر خودکار طور پر کام کرے گا، یعنی وائس میسج کا ٹیکسٹ نظر آنے لگے گا۔

اس فیچر سے آپ کسی آڈیو میسج میں موجود اہم تفصیلات جیسے پتے، فون نمبر یا کسی تقریب کے وقت کو زیادہ آسانی سے حاصل کرسکتے ہیں، بس متعلقہ ٹیکسٹ کو کاپی کرکے نوٹس یا کیلنڈر پر پیسٹ کردیں۔

فی الحال یہ فیچر انگلش اور متعدد دیگر زبانوں کے وائس میسجز کے لیے کام کرے گا مگر اردو سپورٹ ابھی دستیاب نہیں۔