01 مارچ ، 2025 
کراچی: بوٹ بیسن میں شہریوں کو تشدد کا نشانہ بنانے والے 5 ملزمان کا جسمانی ریمانڈ منظور
01 مارچ ، 2025
کراچی: بوٹ بیسن میں شہریوں کو سرِ عام تشدد کا نشانہ بنانے والے 5 ملزمان کا جسمانی ریمانڈ منظور کرلیا گیا۔
پولیس کے مطابق عدالت میں پیش کیے گئے افراد شاہ زین مری نامی مرکزی ملزم کے گارڈز ہیں، شاہ زین اور اس کے گارڈز نے 19 فروری کی رات سڑک پر چلتے شہری کی گاڑی کو پہلے اپنی جیپ سے ٹکر ماری اور پھر گاڑی سے اتر کر اسلحے کے زور پر انہیں تشدد کا نشانہ بنایا۔
جوڈیشل مجسٹریٹ جنوبی کی عدالت نے 2 روزہ جسمانی ریمانڈ پر ملزمان کو پولیس کے حوالے کردیا۔
واضح رہےکہ واقعے کی سی سی ٹی وی ویڈیو وائرل ہونے کے بعد پولیس حرکت میں آئی اور گزشتہ روز مختلف علاقوں میں چھاپے مار کر واقعہ میں ملوث 5 ملزمان کو گرفتار کیا۔
اس کے علاوہ بلوچستان فرار ہونے والے مرکزی ملزم شاہ زین مری کی گرفتاری کے لیے بلوچستان حکومت سے بھی رابطہ کیا گیا تاہم اب تک اس کی گرفتاری عمل میں نہیں آسکی۔
مزید خبریں :
سوات سیدو شریف میں اسپتال کے قریب فائرنگ، 2 افراد جاں بحق
28 فروری ، 2025
ارمغان کے گھر سے ملے لاکرز سے کیا نکلا؟
27 فروری ، 2025
کراچی: لانڈھی میں ٹرالر نے موٹر سائیکل سوار کو کچل دیا
27 فروری ، 2025
