02 مارچ ، 2025 
شاہ رخ نے تحفے میں دی گئی ہیرے کی انگوٹھی واپس کیوں کی تھی؟ میکا سنگھ نے بتادیا
02 مارچ ، 2025
بھارتی گلوکار میکا سنگھ نے انکشاف کیا کہ بالی وڈ میں کنگ شاہ رخ خان نے تحفے میں دی گئی ان کی ہیرے کی قیمتی انگوٹھی کو واپس کر دیا تھا۔
میکا سنگھ نے بھارتی میڈیا کو دیے گئے انٹرویو میں شاہ رخ خان کے حوالے سے بات کرتے ہوئے ان کی تعریف کی اور خود کو اداکار کا سب سے بڑا مداح قرار دیا۔
میکا سنگھ نے اپنے انٹرویو میں بتایا کہ شاہ رخ خان بہت اچھے اداکار اور انسان ہیں، اسی کے ساتھ ہی انہوں نے اپنی ہیرے کی انگوٹھی کی طرف اشارہ کرتے ہوئے کہا کہ میں ہمیشہ یہ انگوٹھی پہنتا ہوں، جس کی قیمت 50 لاکھ روپے ہے۔
انہوں نے کہا کہ میں نے یہ انگوٹھی امیتابھ بچن اور گورداس مان کو تحفے میں دی ہے، لیکن پہلے شخص شاہ رخ خان تھے جنہیں میں نے یہ انگوٹھی بطور تحفے میں دی تھی، مجھے تھا کہ زندگی میں ان تین لوگوں کیلئے کچھ کرنا ہے۔
اپنی بات کو جاری رکھتے ہوئے گلوکار نے کہا کہ جب میں نے یہ انگوٹھی شاہ رخ خان کو دی تو اگلے ہی دن مجھے کنگ خان کی کال موصول ہوئی اور انہوں نے کہا کہ آپ اپنی یہ انگوٹھی لے جائیں یہ بہت زیادہ قیمتی ہے جبکہ میں نے انہیں تحفہ رکھنے پر اصرار کیا اور کہا کہ میں آپ کا مداح ہوں اوربہت پیار کرتا ہوں، مجھے بدلے میں کسی احسان کی امید نہیں ہے۔
مزید خبریں :
جڑواں بھائی بچپن سے مجھ سے جلتے تھے: سوناکشی کا انکشاف
02 مارچ ، 2025
'احساس رمضان' نشریات کا جیو ٹی وی پر آغاز
01 مارچ ، 2025
بالی وڈ گلوکارہ شریا گھوشال کا ایکس اکاؤنٹ ہیک ہوگیا
01 مارچ ، 2025
گووندا کے کُل اثاثوں کی مالیت کتنی ہے؟
28 فروری ، 2025
کیا گووندا دوسری شادی کرنے والے ہیں؟ اداکار کا بیان وائرل
28 فروری ، 2025
