02 مارچ ، 2025 
جڑواں بھائی بچپن سے مجھ سے جلتے تھے: سوناکشی کا انکشاف
02 مارچ ، 2025
بھارتی اداکارہ سوناکشی سنہا نے انکشاف کیا ہے کہ میرے دونوں جڑواں بھائی لو سنہا اور خوش سنہا مجھ سے بچپن سے ہی جلتے تھے۔
انہوں نے کہا کہ بچپن میں تمام ہی بہن اور بھائی آپس میں لڑتے ہیں، اس لیے لو اور خوش سے میری لڑائیاں ہوتی رہتی تھیں۔
اپنے حالیہ انٹرویو میں سوناکشی سنہا نے اپنے بھائیوں لو اور خوش سے تعلقات پر بات کرتے ہوئے کہا کہ میں گھر میں سب سے چھوٹی اور سب کی لاڈلی تھی، یہی وجہ ہے کہ بھائی مجھ سے جلتے تھے اور مجھے مارتے بھی تھے۔
یاد رہے کہ سوناکشی اور ظہیر اقبال نے گزشتہ برس 23 جون کو شادی کی تھی، جس میں شتروگھن سنہا اور پونم سنہا نے شرکت کی تھی تاہم دونوں بھائی تقریب سے بالکل غائب رہے تھے۔
لو سنہا نے شادی کے بعد اس معاملے پر کچھ مبہم پوسٹس بھی شیئر کر کے اشارہ دیا تھا کہ اُن کے اور سوناکشی سنہا کے درمیان کچھ اختلافات ہیں۔
اس ردعمل کے بعد یہ قیاس آرائی کی جانے لگی کہ لو سنہا اپنے چھوٹی بہن کےلیے ظہیر اقبال کو مناسب نہیں سمجھتے تھے۔
مزید خبریں :
'احساس رمضان' نشریات کا جیو ٹی وی پر آغاز
01 مارچ ، 2025
بالی وڈ گلوکارہ شریا گھوشال کا ایکس اکاؤنٹ ہیک ہوگیا
01 مارچ ، 2025
گووندا کے کُل اثاثوں کی مالیت کتنی ہے؟
28 فروری ، 2025
کیا گووندا دوسری شادی کرنے والے ہیں؟ اداکار کا بیان وائرل
28 فروری ، 2025
