03 مارچ ، 2025 
ہم جنگ نہیں بلکہ امن چاہتے ہیں مگر اس کیلئے حفاظتی ضمانتیں ضروری ہیں: یوکرینی صدر
03 مارچ ، 2025
یوکرینی صدر ولادیمیر زیلنسکی نے کہا کہ ہم جنگ نہیں بلکہ امن چاہتے ہیں مگر اس کیلئے حفاظتی ضمانتیں ضروری ہیں۔
سوشل میڈیا پر جاری ایک بیان میں یوکرینی صدر نے کہا کہ جو کچھ ان دنوں ہوا اس کے نتیجے میں ہمیں اپنے لیے یورپ کی واضح حمایت نظر آرہی ہے۔
انہوں نے کہا کہ ہر کوئی حقیقی امن کے لیے متحد ہے اور اس کے لیے سکیورٹی کی حقیقی حفاظتی ضمانتیں (Security Guarantees) چاہئیں جس کے لیے برطانیہ اور ترکیہ سمیت تمام یورپ متحد ہے اور ان کی بھی یہی پوزیشن ہے۔
یوکرینی صدر کا کہنا تھا کہ ہم امریکا کی اہمیت کو سمجھتے ہیں اور ہمیں امریکا سے جو بھی حمایت ملی ہم اس پر شکر گزار ہیں اور ہم نے ہمیشہ ان کا شکریہ ادا کیا ہے۔
زیلنسکی نے مزید کہا کہ یوکرین میں ہماری صلاحیت اس بات پر منحصر ہے کہ ہمارے شراکت دار ہمارے لیے اور اپنی سلامتی کے لیے کیا کر رہے ہیں، ہم نہ ختم ہونے والی جنگ نہیں بلکہ امن چاہتے ہیں اور اس لیے ہم کہتے ہیں کے حفاظتی ضمانتیں (Security Guarantees) اس کے لیے ضروری ہیں۔
مزید خبریں :
ایران کے نائب صدر جواد ظریف عہدے سے مستعفی
7 گھنٹے پہلے
دنیا کا سب سے طویل روزہ کس ملک میں اور کتنے گھنٹے کا ہے؟
10 گھنٹے پہلے
برطانوی خیراتی ادارے پر حماس کو فنڈنگ کر نے کا الزام
11 گھنٹے پہلے
