06 مارچ ، 2025 
’لوگ نپولین کی روس کیخلاف مہم کا انجام بھول گئے‘، فرانسیسی صدر کے بیان پر پیوٹن کا ردعمل
06 مارچ ، 2025
ماسکو: فرانسیسی صدر میکرون کے روس سے متعلق بیان پر روسی صدر پیوٹن نے تاریخ یاد دلادی۔
روسی صدر ولادیمیر پیوٹن کا کہنا ہے کہ کچھ لوگ یہ بھول گئے ہیں کہ نپولین کی روس کے خلاف مہم کا انجام کیا ہوا تھا، یہاں اب بھی کچھ لوگ ایسے ہیں جو نپولین کے دور میں واپس جانا چاہتے ہیں۔
روسی صدر پیوٹن کا مزید کہنا تھا کہ ہمیں یوکرین تنازع میں اس امن کا انتخاب کرنا ہے جو روس کے لیے موزوں ہو، امن اور سلامتی کی شرائط پر روس کے لیے مستحکم پیش رفت کی ضرورت ہے اور ایسے امن کا انتخاب کرنا ہے جو روس کی سلامتی کا ضامن ہو۔
گزشتہ روز فرانسیسی صدر نے ایک بیان میں روس کو فرانس اور یورپ کے لیے خطرہ قرار دیا تھا۔
فرانسیسی صدر ایمانوئل میکرون کا کہنا تھا کہ روس یوکرین امن معاہدےکی صورت میں یورپی فوج یوکرین بھیجی جاسکتی ہے۔
غیر ملکی میڈیا کے مطابق ایک بیان میں فرانسیسی صدر نے کہا تھا کہ یورپی افواج یوکرین میں فرنٹ لائن پر نہیں ہوں گی، یورپی افواج کی یوکرین میں تعیناتی اس کی سلامتی کی ضمانت کے طورپرہوگی۔
خیال رہے کہ 1812 میں نپولین نے روس پر فوج کشی کی جس کا انجام بلآخر نپولین کی فوج کی پسپائی کی صورت میں سامنے آیا اور اسے اس جنگ میں بھاری نقصانات کا سامنا کرنا پڑا تھا۔
مزید خبریں :
چوروں نے گودام سے ایک کروڑ مالیت کے انسانی بال چرا لیے
10 گھنٹے پہلے
یو اے ای میں دو بھارتی شہریوں کو سزائے موت دیدی گئی
12 گھنٹے پہلے
