07 مارچ ، 2025 
ماہ رمضان میں تلی ہوئی غذا اور میٹھے کے زیادہ استعمال سے معدے کے امراض میں اضافہ
07 مارچ ، 2025
کراچی: رمضان المبارک میں تلی ہوئی اشیاء اور میٹھےکے زیادہ استعمال سے معدےکی بیماریوں میں اضافہ ہونے لگا۔
جناح اسپتال کے ایمرجنسی انچارج ڈاکٹر عرفان کے مطابق ماہ رمضان میں تلی ہوئی اشیاء اور میٹھےکے زیادہ استعمال سے معدےکی بیماریاں بڑھ رہی ہیں، جناح اسپتال میں ہیضہ اور تیزابیت کے روز 70 سے زائد کیسز رپورٹ ہورہے ہیں۔
ڈاکٹر عرفان نے بتایا کہ عام دنوں میں جناح اسپتال میں ہیضہ اور تیزابیت کے روز تقریباً 30 کیس رپورٹ ہوتے ہیں۔
دوسری جانب ایمرجنسی انچارج سول اسپتال ڈاکٹر عمران کا کہنا ہےکہ سول اسپتال میں ہیضہ اور معدے کےامراض کے 60 سے 70 کیسز روزانہ رپورٹ ہورہے ہیں، ہیضہ اور تیزابیت کا شکارلوگوں کی بڑی تعداد ہائی بلڈ پریشر کے مریضوں کی ہے۔
اس حوالے سے طبی ماہرین کا کہنا ہے کہ سحری اورافطاری میں دہی کا استعمال لازمی اور چائے کا استعمال کم کریں، سحری اور افطاری کے بعد چہل قدمی کریں اور فوری سونے سے گریزکریں۔
طبی ماہرین کے مطابق کھانے میں اعتدال رکھیں، مصالحے دار اور تلی ہوئی غذا کے بجائے دلیہ، پھل اور سلاد کا استعمال کریں جب کہ پانی، لیموں اور تازہ جوس کو ترجیح دی جائے۔
مزید خبریں :
محض 3 دن تک زیادہ پکوڑے یا سموسے کھانے کا یہ اثر جانتے ہیں؟
07 مارچ ، 2025
شوگر ٹیسٹ سے روزے اور وضو پر کیا اثر پڑتا ہے؟
04 مارچ ، 2025
اچھی صحت کیلئے روزانہ کتنے قدم چلنا ضروری ہے؟
03 مارچ ، 2025
