08 مارچ ، 2025 
بھارت اور نیوزی لینڈ ایک بار پھر چیمپئنز ٹرافی فائنل میں مدمقابل ہونگے، پہلی بارکون جیتا تھا؟
08 مارچ ، 2025
آئی سی سی چیمپئنز ٹرافی 2025 کا فائنل میچ کل دبئی میں بھارت اور نیوزی لینڈ کے درمیان کھیلا جائےگا۔
بھارت اور نیوزی لینڈ چیمپئنز ٹرافی کے فائنل میں 25 سال بعد مدمقابل ہوں گے۔
25 سال قبل نیروبی میں کھیلےگئے آئی سی سی چیمپئنز ٹرافی کے دوسرے ایڈیشن کے فائنل میں نیوزی لینڈ نے بھارت کو کرس کینز کی شاندار سنچری کی بدولت 4 وکٹوں سے شکست دی تھی۔
2002 میں ہونے والی چیمپئنز ٹرافی میں بھارت اور سری لنکا کو مشترکہ چیمپئن قرار دیا گیا تھا جس کے بعد بھارت نے 2013 میں انگلینڈ کو شکست دے کریہ ٹائٹل جیتا تھا جب کہ 2017 میں اسے پاکستان کے ہاتھوں 180 رنز سے شکست کا سامنا کرنا پڑا تھا۔
خیال رہے کہ بھارت پانچویں بار چیمپئنز ٹرافی کا فائنل کھیلنے جارہا ہے جب کہ نیوزی لینڈ تیسری مرتبہ چیمپئنز ٹرافی کا فائنل کھیلےگا۔
دونوں ٹیمیں دو بار چیمپئنز ٹرافی میں آمنے سامنے آئی ہیں اور دونوں نے ہی ایک ایک میچ جیتا ہے۔
