09 مارچ ، 2025 
امریکی وفد سے ملاقاتوں میں دُہری شہریت والے یرغمالی کی رہائی پربات ہوئی، حماس رہنما
09 مارچ ، 2025
فلسطینی مزاحمتی تنظیم حماس کی جانب سے کہا گیا ہے کہ امریکی وفد سے دوحہ میں گزشتہ ہفتےکئی ملاقاتیں ہوئی ہیں۔
غیر ملکی خبررساں ایجنسی کے مطابق حماس رہنما طاہر النونو نے کہا کہ ملاقاتوں میں دُہری شہریت والے یرغمالیوں میں سےایک کی رہائی پربات چیت ہوئی۔
حماس رہنما کا کہنا تھا کہ فلسطینی عوام کے مفاد کے لیے ہم نے مثبت اور لچک آمیز رویہ رکھا، جنگ کے مکمل خاتمے کے لیے غزہ جنگ بندی معاہدے کے مراحل پر عملدرآمد کی بات ہوئی۔
ترجمان نے کہا کہ امریکی وفد کوبتادیا ہے کہ جنگ بندی معاہدے کے تحت یر غمالیوں کی رہائی کی مخالفت نہیں کرتے۔
خبررساں ایجنسی کے مطابق امریکی صدر ڈونلڈ ٹرمپ کے خصوصی نمائندے اسٹیو وٹکوف نے گزشتہ ہفتے وائٹ ہاؤس میں صحافیوں کو بتایا تھا کہ نیو جرسی سے تعلق رکھنے والے 21 سالہ ایڈن الیگزینڈر کو رہا کروانا ان کے لیے اولین ترجیح ہے۔
خیال رہے کہ غزہ میں حماس کی قید میں موجود ایڈن الیگزینڈر کو غزہ میں آخری زندہ امریکی یرغمالی سمجھا جاتا ہے، ایڈن الیگزینڈر اسرائیلی فوج میں شامل تھا۔
دوسری جانب عرب میڈیا کا کہنا ہے کہ غزہ جنگ بندی معاہدےکے اگلے مرحلے کے لیے کل سے دوحہ میں مذاکرات کا آغاز ہونےکی توقع ہے۔
اسرائیل نے غزہ جنگ بندی معاہدے کے دوسرے مرحلے کے لیے وفد قطر بھیجنے کا اعلان کردیا ہے دونوں ممالک کے درمیان بات چیت کا آغاز کل سے دوحہ میں شروع ہونے کی توقع ہے۔
امریکی صدر ڈونلڈ ٹرمپ کے نمائندے اسٹیو وٹکوف بھی قطر میں ہونے والے مذاکرات میں حصہ لیں گے۔
مزید خبریں :
ایران نے 11 لاکھ افغان مہاجرین کو ملک سے بے دخل کر دیا
09 مارچ ، 2025
امریکا نے پاکستان کیلئے ٹریول ایڈوائزری جاری کردی
08 مارچ ، 2025
