09 مارچ ، 2025 
میٹا اے آئی کا استعمال اب واٹس ایپ اوپن کیے بغیر ممکن
09 مارچ ، 2025
اگر آپ واٹس ایپ میں میٹا اے آئی کو استعمال کرنا پسند کرتے ہیں تو بہت جلد آپ کو اس کے لیے میسجنگ ایپ کو بھی اوپن کرنے کی ضرورت نہیں ہوگی۔
WABetaInfo کی رپورٹ کے مطابق واٹس ایپ کے اینڈرائیڈ ڈیوائسز کے لیے نئے بیٹا (beta) ورژن میں ایک نئے ویجیٹ فیچر کی آزمائش کی جا رہی ہے۔
اس ویجیٹ کے ذریعے میٹا اے آئی تک رسائی بہت زیادہ آسان ہو جائے گی۔
اس نئے ویجیٹ میں 3 شارٹ کٹس دیے جائیں گے، ایک شارٹ کٹ میٹا اے آئی سے چیٹ کو اوپن کرے گا۔
دوسرا شارٹ کٹ میٹا اے آئی سے فوٹو شیئرکرنے میں مدد فراہم کرے گا جبکہ تیسرے شارٹ کٹ سے میٹا اے آئی سے آڈیو رابطہ کرنا ممکن ہوگا۔
یہ ویجیٹ آسانی سے فون اسکرین پر آپ کی ترجیحات کے مطابق فٹ ہو جائے گا۔
یہ ویجیٹ ابھی صرف بیٹا ورژن میں دستیاب ہے اور تمام صارفین کے لیے متعارف کرایا نہیں گیا۔
دلچسپ بات یہ ہے کہ ابھی میٹا اے آئی کو ہی کمپنی کی جانب سے پوری دنیا میں صارفین کے لیے متعارف نہیں کرایا گیا مگر اس سے متعلق فیچرز پر مسلسل کام جاری ہے۔
مزید خبریں :
واٹس ایپ میں ایک دلچسپ اے آئی فیچر کا اضافہ
06 مارچ ، 2025
چاند پر 4 جی موبائل نیٹ ورک کام کرنے کیلئے تیار
06 مارچ ، 2025
گوگل سرچ کو مکمل طور پر بدل دینے والا بہترین فیچر متعارف
06 مارچ ، 2025
