12 مارچ ، 2025 
دنیا
ٹرین مسافروں کو یرغمال بنانےکی صورتحال پر نظررکھے ہوئے ہیں: ترجمان یو این سیکرٹری جنرل/ فائل فوٹو
یو این سیکرٹری جنرل کی ٹرین پر حملے کی مذمت، یرغمالیوں کی فوری رہائی کا مطالبہ
12 مارچ ، 2025
اقوام متحدہ کے سیکرٹری جنرل نے پاکستان میں مسافر ٹرین پر دہشتگرد حملے کی مذمت کرتے ہوئے یرغمالیوں کی فوری رہائی کامطالبہ کیا ہے۔
اقوام متحدہ کے سیکرٹری جنرل کے ترجمان اسٹیفن ڈوجارک نے کہا کہ ٹرین مسافروں کو یرغمال بنانےکی صورتحال پر نظررکھے ہوئے ہیں اور یرغمالی بنائے جانے کےکسی بھی واقعے کی مذمت کرتےہیں۔
یو این سیکرٹری جنرل کے ترجمان نے یرغمالیوں کی فوری رہائی کا بھی مطالبہ کیا ہے۔
واضح رہے کہ کوئٹہ سے پشاور جانے والی جعفر ایکسپریس پر بولان میں دہشتگردوں کے حملے کے بعد فورسز کا آپریشن جاری ہے جس میں اب تک 155 یرغمال مسافروں کو بازیاب کرالیا گیا جب کہ 27 دہشتگرد مارے گئے ہیں۔
