روس اور سعودی عرب نے یوکرین کی صورتحال حل کرنے کے لیے اقدامات پر اتفاق کرلیا۔

روسی میڈیا کے مطابق روس کے صدر ولادیمر پیوٹن اور سعودی عرب کے ولی عہد شہزادہ محمد بن سلمان کا ٹیلیفونک رابطہ ہوا ہے۔ 

روسی میڈیاکا کہنا ہے کہ اس ٹیلیفونک رابطے میں سعودی ولی عہد نے روس اور امریکا کے درمیان تعلقات معمول پر لانے کیلئے کردار ادا کرنے پر آمادگی ظاہر کی جس پر صدر پیوٹن نے ریاض کی جانب سے ثالثی کی کوشش کو سراہا۔ 

دونوں رہنماؤں نے دوطرفہ تعاون کو مزید فروغ دینے کے طریقوں کا بھی جائزہ لیا۔

اس سے پہلے میڈیا سے بات کرتے ہوئے روس کے صدر نے کہا تھا کہ وہ یوکرین سے جنگ بندی پر تیار ہیں مگر کچھ باریکیوں کا خیال رکھنا ہوگا۔یہ واضح نہیں کہ جنگ بندی کے احکامات کون دے گا اوراس کی قیمت کیا اداکرنا ہوگی۔

روسی صدر نے کہا کہ سوال یہ بھی ہےکہ کرسک علاقے میں موجود یوکرینی فوج ہتھیار ڈالے گی یا اس کی واپسی کیسے ہوگی۔

 روسی صدر نے کہا تھا کہ وہ جنگ بندی کی تجویز کی حمایت کرتے ہیں لیکن کچھ معاملات ہیں جن پر امریکی صدر سے ہمیں بات چیت کرنے کی ضرورت ہے۔

جس پر  امریکی صدر ڈونلڈ ٹرمپ نے  روسی صدر کے بیان کو امید افزا لیکن 'نامکمل' قرار دیا۔

یوکرینی صدر کا ردعمل

یوکرینی صدر زیلنسکی نے جنگ بندی کی تجویز پر پیوٹن کے ردعمل کو چالاکی پر مبنی قرار دیتے ہوئے روس پر مزید پابندیوں کا مطالبہ کیا تاکہ اسے امن معاہدے پر مجبور کیا جا سکے۔

صدر زیلنسکی نے کہا کہ روسی صدر اکثر ایسا ہی کرتے ہیں، وہ براہ راست انکار نہیں کرتے، لیکن کچھ ایسا کرتے ہیں جس سے معاملات میں تاخیر ہوتی ہے یا عام فیصلے ناممکن ہو جاتے ہیں۔

 یوکرین، روس کیساتھ 30 روزہ جنگ بندی پر متفق 

گزشتہ دنوں سعودی عرب میں ہونے والے یوکرین امریکا مذاکرات میں یوکرین امریکی تجویز مانتے ہوئے روس کے ساتھ 30 روزہ جنگ بندی پر متفق ہوا۔

مذکرات کے حوالے سے امریکا یوکرین مشترکہ بیان میں کہا گیا کہ امریکی فوجی امداد اور انٹیلیجنس معلومات کی بحالی کے وعدے پریوکرین جنگ بندی پر رضامند ہوگیا ہے۔

ٹرمپ نے جنگ بندی سے متعلق امریکی تجویز پر روسی صدر کا بیان 'نامکمل' قرار دیدیا

پیوٹن نے جمعرات کو ایک پریس کانفرنس میں کہا تھا کہ روس جنگ بندی کیلئے تیار ہے لیکن یوکرین کو مزیدشرائط ماننا ہوں گی۔

امریکا سے مذاکرات میں یوکرین روس کے ساتھ 30 روزہ جنگ بندی پر متفق ہوگیا

عبوری جنگ بندی میں فریقین کی باہمی رضا مندی سےتوسیع ہوسکتی ہے، جنگ بندی کا نفاذ روس پر بھی لازم ہوگا، امریکی محکمہ خارجہ