18 مارچ ، 2025 
ایک سال میں 120 کروڑ روپے ٹیکس دینے والے امیتابھ نے اس سال کتنا پیسہ کمایا؟ ہوشربا تفصیلات
18 مارچ ، 2025
بالی وڈ کے شہنشاہ امیتابھ بچن ایک سال میں سب سے زیادہ ٹیکس دینے والے بھارتی سلیبریٹی بن گئے۔
بھارتی میڈیا رپورٹس کے مطابق امیتابھ بھارت میں سب سے بڑے ٹیکس دہندگان میں سے ایک بن گئے اور انہوں نے شاہ رخ خان کو بھی پیچھے چھوڑ دیا ہے۔
لیجنڈ اداکار نے سال 25-2024 میں 350 کروڑ کی ریکارڈ رقم کمائی اوریوں وہ انڈسٹری میں سب سے زیادہ کمائی کرنے والے افراد میں شامل ہوگئے ہیں جب کہ انہوں نے اس سال 120 کروڑ کا ٹیکس ادا کیا۔
82 سالہ امیتابھ بچن نے ایک سال میں اتنی بڑی رقم کیسے کمائی؟ اس معاملے پر پورٹل نے کہا کہ بھارتی سنیما کی بڑی فلموں سے لے کر بڑے برانڈز تک کی پہلی ترجیح لیجنڈ اداکار ہیں، وہ ٹی وی پروگرام کون بنے گا کروڑ پتی کی وجہ سے سب سے پسندیدہ میزبان ہیں۔
پورٹل کے مطابق ان کی ایک سال کی تمام ذرائع سے آمدن 350 کروڑ ہے جو فلمی دنیا میں کسی فرد کی سب سے زیادہ آمدن ہے۔
بھارتی میڈیا رپورٹس کے مطابق امیتابھ بچن نے 15 مارچ کو اپنی ایڈوانس ٹیکس ادائیگی 52 اعشاریہ 50 کروڑ کی جو ان کی طرف سے مالی ذمہ داری کا اظہار ہے۔
رپورٹس میں بتایا گیا ہےکہ امیتابھ بچن آج بھی تمام بھارتیوں کے رول ماڈل ہیں جو بروقت ٹیکس ادا کرتے ہیں۔
ماضی کی ایک رپورٹ میں بتایا گیا تھا کہ اداکار کے کل مالی اثاثے 2 ارب 73 کروڑ 74 لاکھ 96 ہزار 590 روپے ہیں، ان کے پاس تقریباً 55 کروڑ کے زیوارت بھی ہیں جب کہ ان کی 16 گاڑیوں کی مالیت 17 اعشاریہ 66 کروڑ ہے۔
