19 مارچ ، 2025 
جرائم
ملزمان نے فرار ہوتے ہوئے فائرنگ کردی جس سے گولی میڈیکل اسٹور کے مالک صہیب کو لگی اور وہ موقع پر جاں بحق ہوگیا: پولیس/ فائل فوٹو
کراچی: کورنگی میں میڈیکل اسٹور پر ڈکیتی کے دوران فائرنگ سے دکان کا مالک جاں بحق
19 مارچ ، 2025
کراچی: کورنگی نمبر 6 میں میڈیکل اسٹور پر ڈکیتی کے دوران ڈاکوؤں نے فائرنگ کرکے میڈیکل اسٹور کے مالک کو قتل کردیا۔
جناح اسپتال میں میڈیا سے گفتگو کرتے ہوئے ایس ایس پی کورنگی طارق نواز نے بتایا کہ موٹرسائیکل سوار 2 ملزمان میڈیکل اسٹور پر ڈکیتی کرکے فرار ہورہے تھے تو اطراف میں موجود لوگوں نے شور مچادیا۔
ایس ایس پی کے مطابق ملزمان نے فرار ہوتے ہوئے فائرنگ کردی جس سے گولی میڈیکل اسٹور کے مالک صہیب کو لگی اور وہ موقع پر جاں بحق ہوگیا جب کہ مقتول صہیب والدین کا اکلوتا بیٹا تھا۔
انہوں نے مزید بتایا کہ ملزمان کی گرفتاری کے لیے اسپیشل ٹیم تشکیل دی ہے جو اس کیس پر کام کرے گی۔
مزید خبریں :
کراچی: جمالی گوٹھ میں 10سالہ بچے کی پھندا لگی لاش ملی ہے
19 مارچ ، 2025
