21 مارچ ، 2025 
الکا یاگنک نے اے آر رحمان کے گانے کی پیشکش کو کیوں ٹھکرایا؟
21 مارچ ، 2025
بالی وڈ کی معروف ترین پلے بیک گلوکارہ الکا یاگنک نے ماضی میں موسیقار اے آر رحمان کے گانے کی پیشکش کو ٹھکرانے کا انکشاف کیا ہے۔
بھارتی میڈیا کو دیے گئے انٹرویو میں الکا نے بتایا کہ اس وقت انڈسٹری میں اے آر رحمان کا ایک نیا نام تھا، ممبئی میں اس وقت انہیں کوئی نہیں جانتا تھا، اے آر رحمان چاہتے تھے کہ میں گانے کیلئے فوراً آجاؤ ں لیکن دوسرے کاموں کیلئے میری تاریخیں کافی دیر سے بک تھیں۔
انہوں نے کہا کہ اس کے علاوہ میں نے ممبئی میں موسیقاروں کے ساتھ اتنا کام کیا تھا کہ ان کے ساتھ تعلق کو خراب نہیں کرنا چاہتی تھی، میں یہ بھی نہیں جانتی تھی کہ اے آر رحمان کون ہیں؟ میں ان کا مزاج بھی نہیں جانتی تھی؟
بالی وڈ گلوکارہ کا کہنا تھا کہ میں اے آر رحمان کی پیشکش پر غور کرنا چاہتی تھی جس کیلئے میں نے گلوکار کمار سانو سے رابطہ کیا اور انہوں نے بھی کام کرنے منع کرتے ہوئے کہا کہ 'خدا ہی جانتا ہے کہ یہ موسیقار کون ہے، میں نے کبھی اے آر رحمان یا اس کے گانے نہیں سنے جس کے بعد ہم دونوں نے انکار کرنے کا فیصلہ کیا۔
مزید خبریں :
زیبا بختیار نے سالوں بعد پھر سے شادی نہ کرنے کی وجہ بتادی
20 مارچ ، 2025
اداکار دانش تیمور نے 4 شادیوں سے متعلق بیان پر معافی مانگ لی
20 مارچ ، 2025
اداکارہ مایا علی نے تاحال شادی نہ کرنے کی وجہ بتادی
20 مارچ ، 2025
