24 مارچ ، 2025 
کراچی میں بلوچ یکجہتی کمیٹی کا احتجاج، سمی دین سمیت 15 افراد کو حراست میں لے لیا گیا
24 مارچ ، 2025
کراچی کی پولیس نے زینب مارکیٹ کے قریب بلوچ یکجہتی کمیٹی کی سمی دین بلوچ سمیت 15 افراد کو حراست میں لے لیا۔
کراچی میں بلوچ یکجہتی کمیٹی اور سول سوسائٹی کی جانب سے صدر زینب مارکیٹ کے باہر مظاہرہ کیا گیا۔
مظاہرین کی قیادت سمی دین الدین بلوچ کررہی تھیں۔ مظاہرین نے مطالبہ کیا کہ ماہ رنگ بلوچ سمیت تمام گرفتار افراد کو رہا کیا جائے۔ اس دوران پولیس اور مظاہرین کے درمیان جھڑپیں بھی ہوئیں اور پولیس نے سمی الدین بلوچ سمیت18مظاہرین کو حراست میں لے لیا۔
احتجاج کے پیش نظر پولیس نے پریس کلب کے اطراف کی سڑکوں کو رکاوٹیں لگا کر بند کردیا تھا جس کے باعث صدر، شارع فیصل، آئی آئی چندریگر روڈ سمیت ملحقہ سڑکوں پر شدید ٹریفک جام رہا اور لوگ گھنٹوں ٹریفک میں پھنسے رہے۔
ٹریفک میں پھنسے افراد افطاری بھی سڑک پر کرنے پر مجبور ہوگئے۔
اس سے قبل پریس کلب کے باہر بلوچ یکجہتی کمیٹی کے خلاف بھی مظاہرہ کیا گیا۔ مظاہرین کا کہنا تھا کہ بلوچ یکجہتی کمیٹی بلوچستان میں مزدوروں کے قتل عام اور جعفر ایکسپریس واقعے کی مذمت کرے۔
مزید خبریں :
کیا عید کے روز 'عید مبارک' کہنا ٹھیک ہے؟
5 گھنٹے پہلے
آج سحری چکن ریشمی کباب سے کی جائے
4 گھنٹے پہلے
