26 مارچ ، 2025 
بھارتی اداکار سونو سود کی اہلیہ کار حادثے میں زخمی، اسپتال منتقل
26 مارچ ، 2025
بھارتی اداکار سونو سود کی اہلیہ کار حادثے میں زخمی ہوگئیں۔
بھارتی میڈیا کے مطابق پیر کی رات اداکار سونو سود کی اہلیہ سونالی کی گاڑی ممبئی میں ناگپور ہائی وے پر ٹرک سے ٹکراگئی، حادثے میں وہ زخمی ہوگئیں۔
ابتدائی رپورٹس کے مطابق حادثہ اس وقت پیش آیا جب سونالی اپنی بہن اور بھانجے کے ساتھ سفر کر رہی تھیں، بھانجا حادثے کے وقت گاڑی چلا رہا تھا اور وہ بھی زخمی ہوا۔
سونالی اور ان کا بھانجا اسپتال میں زیر علاج ہیں جنہیں 48 سے 72 گھنٹے تک نگرانی میں رکھا جائے گا جبکہ سونالی کی بہن، جو گاڑی میں موجود تھیں، انہیں معمولی چوٹیں آئیں،البتہ وہ محفوظ رہیں۔
سونالی کے حادثے کی اطلاع ملنے پر سونو سود فوری طور پر ناگپور پہنچے۔
اداکار کے ترجمان نے حادثے کی تصدیق کرتے ہوئے بھارتی میڈیا کو بتایا کہ سونالی کی کار کو حادثہ پیش آیا ہے۔
واضح رہے کہ سونالی اور سونو سود نے 1996 میں شادی کی تھی، جوڑے کے 2 بیٹے ہیں۔
سونالی نے ناگپور یونیورسٹی سے ایم بی اے کی ڈگری حاصل کی ہے اور وہ پیشے کے اعتبار سے ایک مشہور فلم پروڈیوسر ہیں۔
