26 مارچ ، 2025 
کاروبار
ملک میں خاطر خواہ چینی موجود ہے، کریانہ مرچنٹس اورسٹہ مافیاافواہیں پھیلاکر قیمتیں بڑھارہےہیں: ترجمان شوگرملز ایسوسی ایشن/ فائل فوٹو
شوگر ملز ایسوسی ایشن نے ملک میں چینی کی قلت کے تاثر کو مستردکردیا
26 مارچ ، 2025
لاہور: شوگر ملز ایسوسی ایشن نے کہا ہےکہ صارفین کی ضروریات پوری کرنے کیلئے ملک میں چینی کا خاطر خواہ اسٹاک موجودہے۔
لاہور میں شوگرملز ایسوسی ایشن کی جنرل باڈی کا اجلاس ہوا جس میں چینی کی قلت کےتاثر کویکسرمستردکردیا گیا۔
ترجمان شوگرملز ایسوسی ایشن نے بتایا کہ چینی کی قیمتیں حکومت کی مقرر کردہ حد پر آگئی ہیں اور چینی کی ایکسپورٹ سے قیمتوں میں اضافے کی خبریں من گھڑت اوربے بنیاد ہیں،کریانہ مرچنٹس اور سٹہ مافیا افواہیں پھیلاکر قیمتیں بڑھارہے ہیں ۔
ترجمان کا کہنا تھا کہ 80 فیصد چینی صنعتی اورکمرشل سیکٹر جب کہ 20 فیصدگھریلو صارفین استعمال کرتے ہیں، حکومت دونوں سیکٹرز کے لیے قیمتوں کے تعین کا الگ طریقہ کار اپنائے۔
مزید خبریں :
پیٹرول کی قیمت ایک روپیہ فی لیٹر کم کردی گئی
28 مارچ ، 2025
سونے کی قیمت کا نئے ریکارڈ بنانے کا سلسلہ جاری
28 مارچ ، 2025
آئی ایم ایف نے حکومت کو بجلی ٹیرف میں کمی کی اجازت دیدی
27 مارچ ، 2025
