سائنس و ٹیکنالوجی

واٹس ایپ کے اینڈرائیڈ صارفین کیلئے ایک دلچسپ اور کارآمد فیچر متعارف

ویب ڈیسک

26 مارچ ، 2025

واٹس ایپ کے اینڈرائیڈ صارفین کیلئے ایک دلچسپ اور کارآمد فیچر متعارف — ایک رپورٹ میں اس بارے میں بتایا گیا / فائل فوٹو

واٹس ایپ میں ایک دلچسپ اور کارآمد فیچر کا اضافہ کیا گیا ہے۔

Wabetainfo کی رپورٹ کے مطابق واٹس ایپ کی جانب سے اینڈرائیڈ صارفین کے لیے ایک نئے فیچر کی آزمائش کی جارہی ہے۔

اس فیچر کے ذریعے صارفین انفرادی چیٹس، گروپ چیٹس اور چیلنز میں موشن فوٹوز کو شیئر کر سکیں گے۔

موشن فوٹوز سے مراد شارٹ آڈیو اور ویڈیو کلپ ہے جو صارفین کسی تصویر کو کھینچتے ہوئے ریکارڈ کرکے دوستوں کو بھیج سکیں گے۔

یہ بھی پڑھیں

رپورٹ میں بتایا گیا کہ یہ فیچر ابھی اینڈرائیڈ ڈیوائسز کے لیے واٹس ایپ کے بیٹا ورژن میں متعارف کرایا گیا ہے اور محدود صارفین کو دستیاب ہے۔

اس طرح کا فیچر آئی فونز صارفین کو لائیو فوٹوز کی شکل میں واٹس ایپ میں دستیاب ہے اور اب میٹا کی زیرملکیت میسجنگ ایپ اسے تمام اینڈرائیڈ صارفین تک پہنچانے کے لیے پرعزم ہے۔

رپورٹ میں مزید بتایا گیا کہ جب یہ فیچر باضابطہ طور پر صارفین کو دستیاب ہوگا تو وہ ایپ کے ذریعے موشن فوٹوز کو بھیج یا موصول کرسکیں گے۔

اس فیچر کے لیے ایک نیا بٹن واٹس ایپ کا حصہ بنایا جائے گا جس کو کلک کرکے صارفین موشن پکچر یا عام فوٹو کو دوستوں کے ساتھ شیئر کرسکیں گے۔

جن صارفین کے فونز موشن فوٹوز کو سپورٹ نہیں کریں گے ان میں یہ شیئر فائل ان سپورٹڈ فائل ٹائپ کی شکل میں نظر آئے گی۔

جیسا اوپر درج کیا جاچکا ہے کہ یہ فیچر ابھی بیٹا ورژن میں محدود صارفین کو دستیاب ہے تو یہ کہنا مشکل ہے کہ اسے کب تک تمام صارفین کے لیے متعارف کرایا جاسکتا ہے۔