27 مارچ ، 2025 
نئے مالی سال کا بجٹ آئی ایم ایف سے مشاورت کے بعد پیش کیا جائےگا
27 مارچ ، 2025
نئے مالی سال کا بجٹ تیار کرنے سے پہلے آئی ایم ایف کا ایک اور وفد جلد پاکستان کا دورہ کر ے گا، اس دورے میں آئی ایم ایف سے نئے مالی سال 26-2025کے بجٹ پر مشاورت کی جائےگی۔
وزارت خزانہ کے ذرائع نے جیو نیوز کے نمائندے اشرف ملخم کو بتایا کہ نئے مالی سال کے بجٹ پر فیس ٹو فیس اور آن لائن مشاورت جاری رہےگی، آئی ایم ایف سے مشاورت کے بعد بجٹ پارلیمنٹ میں پیش کیا جائےگا، نئے مالی سال کا بجٹ جون کے پہلے ہفتے کے دوران پیش کیا جائےگا۔
ذرائع وزارت خزانہ کے مطابق پراپرٹی کی خریدوفروخت پر آئی ایم ایف ایک حد تک ریلیف دینے پر آمادہ ہوگیا ہے، جائیداد کی پہلی خرید و فرخت پر فیڈرل ایکسائز ڈیوٹی ختم کردی جائےگی لیکن ود ہولڈنگ اور انکم ٹیکس کی موجودہ شرح برقرار رہےگی، پراپرٹی فروخت کرنے والوں پر ٹیکس کی موجودہ شرح بھی برقرار رہےگی۔
ان ذرائع کے مطابق آئی ایم ایف معاہدے کے تحت سفارشات کی منظوری ایگزیکٹو بورڈ مئی کے آخر یا جون میں دےگا، اس وقت تک بجٹ تیار ہو چکا ہوگا، اگر پاکستان نے معاہدے پر عمل درآمد نہ کیا تو موسمیاتی تبدیلیوں سے نمٹنے کے لیے قرض نہیں ملےگا۔
ذرائع وزارت خزانہ کا کہنا ہےکہ آئی ایم ایف ایگزیکٹو بورڈ کا اجلاس بجٹ تفصیلات طے کرنےکے بعد بلایا جائےگا۔ اپریل میں موسم بہار اجلاس کی وجہ سے ایگزیکٹو بورڈ پاکستان کا پروگرام زیر بحث نہیں لائےگا۔
مزید خبریں :
ملک میں سونے کی قیمت مزید کم ہوگئی
49 منٹ پہلے
پاکستان نے چین سے مزید 10 ارب یوان کی درخواست کر دی
27 اپریل ، 2025
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
