واٹس ایپ پر اے آئی بٹن سے پریشان صارفین اس سے چھٹکارا حاصل کر سکتے ہیں؟

05 اپریل ، 2025

واٹس ایپ پر اے آئی بٹن سے پریشان صارفین اس سے چھٹکارا حاصل کر سکتے ہیں؟ — میٹا کی زیر ملکیت میسجنگ پلیٹ فارم واٹس ایپ پر بھی اے آئی چیٹ بوٹ کا اضافہ کیا جاچکا ہے/فوٹوفائل

میٹا کی زیر ملکیت میسجنگ پلیٹ فارم واٹس ایپ پر بھی اے آئی چیٹ بوٹ کا اضافہ کیا جاچکا ہےلیکن کیا آپ بھی اس اے آئی بٹن پر تشویش میں مبتلا ہیں اور اس کا استعمال پسند نہیں کرتے؟

ٹیکنالوجی رپورٹس کے مطابق واٹس ایپ پر میٹا اے آئی فیچر کو ناپسند کرنے والے صارفین نے اس کیلئے مبینہfix کا انکشاف کیا ہے۔

رپورٹس کے مطابق میٹا اے آئی بٹن کو ہٹانے کیلئے ناکام کوشش کے بعد واٹس ایپ صارفین کی جانب سے متبادل ورژن ’ واٹس ایپ بزنس‘ پر سوئچ کرنے کا مشورہ دیا جارہا ہے، ان صارفین کے مطابق اس ورژن میں واٹس ایپ کا متنازع اے آئی فیچر موجود نہیں ہے۔

واٹس ایپ بزنس کا استعمال بنیادی طور پر کاروباری مالکان گاہکوں کے ساتھ بات چیت کیلئے کرتے ہیں، واٹس ایپ کی طرح واٹس ایپ بزنس بھی صارفین کیلئے لیے مکمل طور پر مفت ہے جو درست فون نمبر کے ساتھ کسی بھی صارف کیلئے بھی دستیاب ہے۔

یہ بھی پڑھیں

ریڈٹ پر شیئر کی گئی پوسٹ کے مطابق صارفین کا ماننا ہے کہ اے آئی فیچر سے تنگ صارفین واٹس ایپ پر منتقل ہوجائیں کیوں کہ اس پر فی الحال اے آئی فیچر موجود نہیں ہے لہٰذا اگر آپ بھی اے آئی فیچر سے چھٹکارا چاہتے ہیں تو واٹس ایپ بزنس اکاؤنٹ پر سوئچ کر جائیں۔

لیکن اگر اس کے باوجود بھی آپ کو اپنے واٹس ایپ پر اے آئی فیچر نظر آجائے تو اگلا آپشن واٹس ایپ کا پرانا ورژن ہے، اس صورت میں، آپ کسی قابل اعتماد ذریعے سے پرانا ورژن ڈاؤن لوڈ کر کے واٹس ایپ کو ڈاؤن گریڈ کر سکتے ہیں۔