07 اپریل ، 2025 
ٹرمپ ٹیرف کے اثرات سے بٹ کوائن کی قیمت میں بڑی کمی آگئی
07 اپریل ، 2025
واشنگٹن: امریکی صدر ڈونلڈ ٹرمپ کے ٹیرف لگانےکے اعلان کے بعد بٹ کوائن کی قیمت میں بھی بڑی کمی آگئی۔
امریکی اخبار کے مطابق صدر ٹرمپ کے اعلان کردہ ٹیرف کے بعد ڈیجیٹل کرنسی بٹ کوائن کی قیمت 10 فیصد کم ہوکر 78ہزارڈالر سے نیچےآگئی ہے۔
دوسری جانب امریکی صدر کی جانب سے ٹیرف لگانے کے اعلان کے بعد یورپی اور ایشیائی مارکیٹس میں شدید مندی دیکھنے کو مل رہی اور پاکستان سمیت مختلف ممالک کی اسٹاک مارکیٹس نیچے گررہی ہیں۔
پاکستان اسٹاک ایکسچینج میں کاروباری ہفتے کے آغاز کے پہلے ہی روز ابتدا سے شدید مندی دیکھنے میں آئی اور ایک موقع پر 100 انڈیکس میں 6250 سے زائد پوانٹس کی کمی دیکھی گئی جب کہ کاروبار کو عارضی طور پر معطل بھی کرنا پڑا۔
یاد رہے کہ امریکی صدر ٹرمپ نے پاکستان سمیت مختلف ممالک پر ٹیرف عائد کیا تھا جس کے بعد بعض ممالک نے امریکا پر بھی جوابی ٹیرف عائد کردیا ہے۔
مزید خبریں :
عالمی منڈی میں خام تیل کی قیمتوں میں مزید کمی
10 گھنٹے پہلے
مرغی کے گوشت کی قیمت قابو سے باہر، فی کلو 880 روپے کا ہوگیا
06 اپریل ، 2025
پاکستان ریلوے کا خوشحال خان خٹک ایکسپریس بحال کرنے کا اعلان
05 اپریل ، 2025
