غزہ جنگ رکنے میں زیادہ وقت نہیں لگے گا: ٹرمپ کی اسرائیلی وزیراعظم سے ملاقات میں گفتگو

اسرائیلی وزیراعظم نیتن یاہو نے امریکی صدر ڈونلڈ ٹرمپ سے اہم ملاقات کی جس میں  امریکا کی جانب سے لگائے گئے سخت ٹیرف، غزہ اور شام سے متعلق امور پر بات چیت ہوئی۔

غیر ملکی خبر رساں ایجنسی کے مطابق اسرائیلی وزیر اعظم بنیامین نیتن یاہو نے پیر کو وائٹ ہاؤس میں امریکی صدر ڈونلڈ ٹرمپ سے ملاقات کی۔

اسرائیلی وزیر اعظم امریکا کی جانب سے لگائے گئے سخت تجارتی محصولات کے خلاف ٹرمپ سے براہِ راست بات کرنے والے پہلے غیر ملکی رہنما بن گئے۔

امریکی صدر ڈونلڈ ٹرمپ نے اسرائیلی وزیر اعظم نیتن یاہو کا ویسٹ وِنگ کے باہر استقبال کیا۔

یہ نیتن یاہو کا صدر ٹرمپ کے دوبارہ صدر بننے کے بعد دوسرا امریکی دورہ ہے، اور یہ عین اس وقت ہوا جب ٹرمپ نے پچھلے ہفتے "لبریشن ڈے" کے موقع پر اسرائیل پر 17 فیصد ٹیرف لگا دیا تھا۔

ٹرمپ نے اسرائیل کو، جو امریکی فوجی امداد کا سب سے بڑا حاصل کنندہ ہے، اس عالمی ٹیرف سے استثنا دینے سے انکار کر دیا، اور کہا کہ امریکا کو اسرائیل کے ساتھ بڑے تجارتی خسارے کا سامنا ہے۔

ٹیرف کا نفاذ روکنے پر غور نہیں: امریکی صدر نے واضح کر دیا

صدر ٹرمپ نے اسرائیلی وزیر اعظم کے سا تھ وائٹ ہاؤس میں گفتگو کرتے ہوئے کہا کہ ٹیرف پر بہت سے ممالک کےساتھ زبردست پیش رفت کر رہے ہیں۔ٹیرف کا نفاذ روکنے پر غور نہیں ۔

انہوں نے بتایا کہ چین، جاپان اور دیگر ممالک سے بات کریں گے،بہت سےممالک ٹیرف پر ہم سےبات کرنا چاہتےہیں، یورپی یونین امریکا سے توانائی خریدے، یورپی یونین کے ساتھ تجارت کو منصفانہ اور باہمی ہونا چاہیے۔

غزہ جنگ رکنےمیں زیادہ وقت نہیں لگےگا: ٹرمپ

امریکی صدر ٹرمپ نے کہا کہ غزہ جنگ کو رکنے میں زیادہ وقت نہیں لگےگا۔غزہ پر کنٹرول کرنا اور اسے ملکیت میں لانا اچھی بات ہے۔ حماس کی زیرحراست یرغمالیوں کی رہائی کےلیےکام کر رہے ہیں۔

ٹرمپ نے کہا کہ اسرائیلی وزیراعظم کے ساتھ ایران اور تجارت پر بات چیت ہوئی۔ایران کےساتھ براہ راست بات چیت کرنے جارہےہیں۔ایران کےساتھ معاہدہ کرنا ترجیح ہے۔ایران کے ساتھ اعلیٰ سطح بات چیت ہفتے کوہوگی،ایران کےساتھ براہ راست بات چیت میں معاہدہ بھی ہوسکتا ہے ۔

امریکی صدر نے پھر دھمکی دی کہ ایران سےبات چیت کامیاب نہ ہوئی تو ایران بڑے خطرے میں آجائے گا،یہ نہیں ہوسکتا کہ ایران کے پاس ایٹمی ہتھیار ہو جبکہ اسرائیل سے کہا ہے اسے ترکیے سے مسئلہ ہے تو میں اسےحل کروں گا۔

دوسری جانب اسرائیلی وزیراعظم نے ٹرمپ سے ملاقات میں کہاکہ امریکا کےساتھ تجارتی خسارے کو ختم کریں گے، صدر ٹرمپ سے غزہ اورشام سے متعلق بھی گفتگو ہوئی۔

غزہ سے متعلق ایک اور ڈیل کےلیےکام کر رہے ہیں: اسرائیلی وزیر اعظم

اسرائیلی وزیراعظم کا کہنا تھا کہ غزہ سے متعلق ایک اور ڈیل کےلیےکام کررہےہیں،غزہ کےلوگوں کو کہیں بھی جانے کا انتخاب کرنا چاہیے۔ہم نہیں چاہتے کہ شام کو ترکیےاپنے مقاصد کےلیے استعمال کرے۔

وائٹ ہاؤس کے مطابق امریکی صدر ٹرمپ اور نیتن یاہو کی طے شدہ مشترکا پریس کانفرنس منسوخ کردی گئی۔

واضح رہے کہ ٹرمپ کی طرف سے درآمدات پر ٹیرف بڑھانے سے دنیا بھر کی اسٹاک مارکیٹوں میں تباہی پھر گئی، یورپ، امریکا اور ایشیا کی اسٹاک مارکیٹیں تباہ ہو برباد ہو گئیں اور سرمایہ کاروں کے کھربوں ڈالر ڈوب گئے ہیں۔

ماہرین کے مطابق امریکا میں کساد بازاری کا خدشہ 60 فی صد تک بڑھ گیا ہے اور امریکی کساد بازاری عالمی کساد بازاری میں بدل سکتی ہے۔

ایسی صورتحال میں صدر ڈونلڈ ٹرمپ نے امریکی شہریوں کو مشورہ دیا ہے کہ آپ نے گھبرانا نہیں ہے،کمزور اور بے وقوف نہ بنیں، صبرکریں اورحوصلہ کریں ،عظمت آپ کا مقدر بنے گی۔

’ آپ نے گھبرانا نہیں ہے‘ ٹرمپ کا معاشی بے یقینی سے دوچار امریکی شہریوں کو مشورہ

کمزور اور بے وقوف نہ بنیں، صبرکریں اورحوصلہ کریں ،عظمت آپ کا مقدر بنے گی: ٹرمپ کا امریکیوں کو مشورہ

چین کے جوابی ٹیرف پر ٹرمپ کا سخت ترین ردعمل، مزید 50 فیصد ٹیرف عائد کرنے کی دھمکی

ٹرمپ نے خبردار کیا ہے کہ اگر چین نے کل تک ٹیرف میں اضافہ واپس نہ لیا تو امریکا 9 اپریل سے چین پر 50 فیصد اضافی ٹیرف عائد کر دے گا۔