14 اپریل ، 2025 
پاکستان
وفاقی تحقیقاتی ادارے ( ایف آئی اے ) نے انسداد دہشت گردی عدالت میں رپورٹ پیش کردی/ فائل فوٹو
مصطفیٰ عامر قتل کیس: ارمغان کے لیپ ٹاپ سے بین الاقوامی فراڈ گروپ کے شواہد مل گئے
14 اپریل ، 2025
کراچی: مصطفیٰ عامر قتل کیس کے ملزم ارمغان کے لیپ ٹاپ سے بین الاقوامی فراڈ گروپ کے شواہد مل گئے۔
مصطفیٰ عامر قتل کیس پر ملزم ارمغان کے حوالے سے تحقیقات جاری ہیں اور اسی حوالے سے وفاقی تحقیقاتی ادارے ( ایف آئی اے ) نے انسداد دہشتگردی عدالت میں رپورٹ پیش کردی ہے۔
رپورٹ کے مطابق ارمغان اور اس کے والد کامران قریشی نے فراڈ کیلئے کمپنی بنائی تھی اور متعلقہ فراڈ کمپنی کی سالانہ آمدن 3 سے 4 لاکھ امریکی ڈالرز ہے جب کہ کمپنی میں 25 ملازمین کام کررہے ہیں۔
رپورٹ میں بتایا گیا ہے کہ ارمغان نے ملازم کے ذریعے لگژری گاڑیاں خریدیں جن کی مجموعی قیمت 15 کروڑ 40 لاکھ روپے ہے۔
مصطفیٰ عامرقتل کیس کے مرکزی ملزم ارمغان کو منی لانڈرنگ کیس میں کل عدالت میں پیش کیا جائے گا۔
