شدید گرمی میں ذیابیطس میں مبتلا افراد کن مشروبات کا استعمال کرسکتے ہیں؟

دنیا بھر میں گرمی اپنا زور دکھا رہی ہےکہیں ہیٹ ویو کی صورتحال  تو کہیں سورج کی تپش جھلسا دینے والی ہے۔

ایسے میں ایک  صحت مند انسان تو مختلف  ٹھنڈے میٹھے مشروبات کا استعمال کرکے کچھ حد تک گرمی پر قابو پاسکتا  ہے لیکن مسئلہ ذیابیطس میں مبتلا افراد کا  ہے۔

ایسے مریض خون میں شوگر کی سطح میں اضافے کے باعث میٹھے مشروبات کے استعمال سے ڈرتے ہیں لیکن پریشان ہونے کی ضرورت نہیں۔

 کیونکہ آج ہم آپ کو چند ایسے مشروبات بتائیں گے  جو شوگر کے مریض بھی استعمال کرسکتے ہیں۔

چھاچھ

چھاچھ یا   مصالحے دار  بٹر ملک  بھی شوگر کے مریض استعمال کرسکتے ہیں۔

دہی سے بننے والے اس مشروب میں  کاربوہائیڈریٹ کم اور اچھے بیکٹیریا زیادہ مقدار میں ہوتے ہیں جبکہ اس کے استعمال سے ہاضمے میں بھی مدد مل سکتی ہے اور یہ جسم کو پانی کی کمی سے بھی بچاتا ہے۔

 یہ ذیابیطس کے مریضوں کے لیے بہترین مشروب ہے، جس میں ذائقے کے لیے بھنا ہوا زیرہ پاؤڈر، تازہ دھنیا اور چٹکی بھر کالا نمک بھی شامل کیا جاسکتا ہے۔

ناریل کا پانی

روزانہ چقندر کا جوس پینے کے صحت پر حیرت انگیز فوائد

اینٹی آکسیڈنٹس اور غذائیت سے بھرپور ہونے کی وجہ سے یہ جوس آپ کو بہت سی بیماریوں سے بچا سکتا ہے

ناریل کے پانی کی خوبیوں سے سب ہی واقف ہیں جو گرمی لگنے سے  بچاتا ہے،  ناریل کا پانی پوٹاشیم اور الیکٹرولائٹس کا ایک بڑا ذریعہ ہے، یہ جسم میں سیال کے توازن کو برقرار رکھنے میں بھی مدد کرتا ہے۔

ناریل کے پانی کا استعمال اگر اعتدال سے کیا جائے تو یہ آپ کے خون میں شوگر کی سطح کو بڑھنے نہیں دے گا۔

آملہ جوس

آملہ کا جوس وٹامن سی اور اینٹی آکسیڈنٹ سے بھرپور ہوتا ہے جو قوت مدافعت کو بہتر بنانے میں مدد کرتا ہے۔

 تازہ آملے کے رس کو پانی میں ملا کر  استعمال کریں اور ذائقے کیلئے اس میں کالا نمک یا پودینہ بھی شامل کیا جاسکتا ہے۔

ستو

ستو جسم کو ٹھنڈا اور تازگی دیتا ہے جس کے بہت سے فوائد ہیں، ستو کے شربت کو شوگر کے مریض بھی استعمال کرسکتے ہیں کیونکہ اس میں  گلیسیمک انڈیکس کی مقدار کم ہوتی ہے، جو ذیابیطس کے مریضوں کیلئے پریشانی کی بات نہیں۔

ستو کو ٹھنڈے پانی میں مکس کرکے  اس میں لیموں، نمک اور بھنا ہوا زیرہ ڈال کر استعمال کرسکتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔