26 اپریل ، 2025 
کراچی کنگز کو بڑا دھچکا، اہم غیر ملکی کھلاڑی انجری کے باعث پی ایس ایل سے باہر
26 اپریل ، 2025
پاکستان سپر لیگ (پی ایس ایل) 10 میں کراچی کنگز کو بڑا دھچکا لگا ہے کیونکہ نیوزی لینڈ کے فاسٹ بولر ایڈم ملنے گھٹنے کی انجری کے باعث ٹورنامنٹ سے باہر ہو گئے۔
دائیں ہاتھ کے فاسٹ بولر ملنے کو یہ انجری 15 اپریل کو لاہور قلندرز کے خلاف میچ کے دوران ہوئی تھی۔
اگرچہ ایڈم ملنے ٹیم کے ساتھ رہ کر صحتیابی کی امید کررہے تھے لیکن طبی معائنے کے بعد تصدیق ہو گئی کہ وہ پی ایس ایل کے اس سیزن میں مزید نہیں کھیل سکیں گے۔
کراچی کنگز کی مینجمنٹ نے ایڈم ملنے کی خدمات پر ان کا شکریہ ادا کیا اور ان کی جلد اور مکمل صحتیابی کے لیے نیک خواہشات کا اظہار کیا۔
واضح رہے کہ ملنے نے انجری سے قبل کراچی کنگز کے 2 میچز میں حصہ لیا تھا۔
کراچی کنگز نے ملنے کی جگہ نوجوان کھلاڑی سعد بیگ کو اس سیزن کیلئے مستقل طورپر اسکواڈ میں شامل کر لیا ہے۔ وہ پاکستان انڈر 19 ٹیم کے کپتان بھی ہیں۔
گزشتہ روز کوئٹہ گلیڈی ایٹرز نے کراچی کنگز کو دلچسپ مقابلے کے بعد 5 رنز سے شکست دی۔ پوائنٹس ٹیبل پر کراچی کنگز 6 پوائنٹس کے ساتھ دوسرے نمبر پر ہے۔
مزید خبریں :
پی ایس ایل 10: پشاور زلمی نے لاہور قلندرز کو7 وکٹ سے ہرادیا
24 اپریل ، 2025
سابق آسٹریلوی کرکٹر اور کمنٹیٹر انتقال کر گئے
24 اپریل ، 2025
