26 اپریل ، 2025 
دنیا
بھارتی حکومت مذہبی آزادی کے معاملے پر اس بات کو یقینی بنائے کہ تمام افراد حملے یا بدلے کے خوف کے بغیر اپنے عقیدے پر آزادی سے عمل کر سکیں: کمیشن۔ فوٹو فائل
امریکی کمیشن برائے مذہبی آزادی کا بھارت سے کشمیریوں کیخلاف انتقامی کارروائیاں روکنے کے اقدامات کرنیکا مطالبہ
26 اپریل ، 2025
امریکی کمیشن برائے مذہبی آزادی نے مقبوضہ کشمیر کے سیاحتی مقام پہلگام میں ہونے والے حملے کی مذمت کرتے ہوئے بھارت سے کشمیری مسلمانوں کے خلاف انتقامی کارروائیوں کو روکنے کے لیے اقدامات کرنے کا مطالبہ کیا ہے۔
امریکی کمیشن برائے مذہبی آزادی کے کمشنر وکی ہارٹزلر کا کہنا ہے کہ بھارتی حکومت مذہبی آزادی کے معاملے پر اس بات کو یقینی بنائے کہ تمام افراد حملے یا بدلے کے خوف کے بغیر اپنے عقیدے پر آزادی سے عمل کر سکیں۔
امریکی ادارہ برائے مذہبی آزادی اس سےقبل مقبوضہ کشمیر میں آرٹیکل 370 کی یکطرفہ تنسیخ کے بعد مذہبی آزادی کی حالت پر تشویش ظاہر کر چکا ہے۔
