27 اپریل ، 2025 
پختونخوا پولیس کو افسران، بلٹ پروف گاڑیوں اورکم اجرت کا سامنا
27 اپریل ، 2025
پشاور: خیبر پختونخوا کی پولیس کو افسران، بلٹ پروف گاڑیوں اورکم اجرت کا سامنا ہے۔
ذرائع کے مطابق صوبے کو گریڈ 18 اور 19 کے 91 افسران کی کمی کا سامنا ہے، سینٹرل پولیس آفس میں متعدد افسران دو دو عہدوں پرتعینات ہیں، اسی طرح پولیس میں ساڑھے3 ہزار سے زیادہ اسامیاں خالی ہیں۔
ذرائع کا بتانا ہے کہ ریجنل پولیس افسران اور ڈی پی اوز کے پاس بلٹ گاڑیاں بھی نہیں ہیں۔
انسپیکٹر جنرل خیبرپختونخوا پولیس ذوالفقار حمید نے اس حوالے سے بات چیت کرتے ہوئے کہا کہ صوبائی حکومت نے چیک پوسٹوں کو محفوظ بنانے کے لیے فنڈز فراہم کیے ہیں، صوبے کو پولیس افسران کی کمی کا سامنا ہے جسے پورا کرنے کے لیے کوشش کر رہے ہیں۔
آئی جی پولیس کا کہنا ہے کہ کے پی پولیس کی تنخواہیں دیگر صوبوں کی پولیس کے مقابلے میں کم ہیں، صوبائی حکومت کوپولیس کی تنخواہوں میں اضافے سے متعلق درخواست کی ہے، خیبرپختونخوا پولیس کی دہشتگردی کے خلاف جنگ میں لازوال قربانیاں ہیں۔
مزید خبریں :
2019 میں پاک فوج کا حملہ بھارتی فوجی قیادت کیلئے انتباہ
10 گھنٹے پہلے
پنجاب میں ڈی این اے کیلئے مرکزی ڈیٹا بیس بنانے کا فیصلہ
10 گھنٹے پہلے
