27 اپریل ، 2025 
پریش راول کا اپنےگھٹنےکی چوٹ کے علاج کیلئے عجیب طریقہ اپنانےکا انکشاف
27 اپریل ، 2025
بالی وڈ کے سینئر اداکار پریش راول نے عجیب و غریب انکشاف کیا ہےکہ انہوں نے اپنے گھٹنے کی چوٹ کے علاج کے لیے اپنا پیشاب پیا۔
بھارتی میڈیا کے مطابق ایک انٹرویو میں پریش روال کا کہنا تھا کہ فلم گھاتک کی شوٹنگ کے دوران ایک ایکشن سین کے دوران ان کا گھٹنا زخمی ہوگیا تھا جس کے بعد انہیں فوری طور پر اسپتال لے جایا گیا اور طبی امداد فراہم کی گئی۔
پریش روال کا کہنا تھا کہ وہ بہت ڈر گئے تھے اور انہیں لگتا تھا کہ اس چوٹ کی وجہ سے ان کا کریئر ختم نہ ہوجائے۔
انہوں نے بتایا کہ مرحوم ایکشن ڈائریکٹر ویرو دیوگن (اداکار اجے دیوگن کے والد) اسپتال میں ان کی عیادت کے لیے آئے اور انہیں مشورہ دیا کہ اگر جلد صحت یاب ہونا ہے تو صبح خالی پیٹ اپنا پیشاب پیو، سارے فائٹرز ایسا کرتے ہیں، تمہیں کوئی مسئلہ نہیں ہوگا۔
پریش راول نے کہا کہ اگرچہ یہ مشورہ بڑا عجیب تھا لیکن انہوں نے اس پر عمل کیا اور ان کی حالت میں تیزی سے بہتری آئی۔
بھارتی میڈیا کے مطابق پریش راول کا یہ بیان سوشل میڈیا پر کافی وائرل ہو رہا ہے، اور اس موضوع پر لوگ مختلف رائے دیتے نظر آرہے ہیں۔ کوئی اسے دیسی علاج کی طاقت تسلیم کر رہا ہے تو کوئی اسے سراسر احمقانہ اور غٰر سائنسی قرار دے رہا ہے۔
مزید خبریں :
رتیش دیش مکھ کی فلم کا ڈانسر دریا میں ڈوب کر ہلاک
27 اپریل ، 2025
بانی پاکستان قائداعظم سے ملاقات کر چکا ہوں: فیصل رحمان کا انکشاف
25 اپریل ، 2025
پہلگام واقعہ، فواد خان کی بالی وڈ فلم کی ریلیز خطرے میں پڑ گئی
24 اپریل ، 2025
ایمن اور منال خان کی اشتہارات سے ہوئی پہلی کمائی کتنی تھی؟
24 اپریل ، 2025
