01 مئی ، 2025 
پی ایس ایل 10: کوئٹہ گلیڈی ایٹرز کا لاہور قلندرزکیخلاف ٹاس جیت کر فیلڈنگ کا فیصلہ
01 مئی ، 2025
ایچ بی ایل پاکستان سپر لیگ (پی ایس ایل) 10 کے 21 ویں میچ میں کوئٹہ گلیڈی ایٹرز نے لاہور قلندرز کے خلاف ٹاس جیت کر فیلڈنگ کا فیصلہ کیا ہے۔
پی ایس ایل میں آج کا دوسرا میچ بھی لاہور کے قذافی اسٹیڈیم میں کھیلا جارہا ہے۔
کپتان کوئٹہ گلیڈی ایٹرز سعود شکیل کا کہنا تھا کہ گزشتہ تین میچوں سےبولنگ یونٹ اچھا پرفارم کر رہا ہے، اُمید کرتا ہوں کہ اس میچ میں اچھی بولنگ ہوگی۔
کپتان لاہور قلندرز شاہین آفریدی کا کہنا تھا کہ ہم ٹاس جیتتے تو بیٹنگ ہی کرتے، 170 سے 180 رنز دفاع کرنے کے لیے اچھا ہدف ہوگا۔
ترجمان کوئٹہ گلیڈی ایٹرز کے مطابق فاسٹ بولر محمد عامربخار میں مبتلا ہیں جس کی وجہ سے وہ آج کا میچ نہیں کھیل رہے، ان کی جگہ ایمرجنگ فاسٹ بولر محمد ذیشان پلیئنگ الیون کا حصہ ہیں۔
