08 مئی ، 2025 
دنیا
فوٹو: سعودی میڈیا
سعودی شہزادی جواہر بنت بندر انتقال کرگئیں
08 مئی ، 2025
سعودی شہزادی جواہر بنت بندر بن محمد بن عبد العزیز آل سعود انتقال کرگئیں۔
سعودی پریس ایجنسی کے مطابق ایوان شاہی کی جانب سے جاری اعلامیے میں بتایا گیا کہ شہزادی جواہر بنت بندر بن محمد بن عبد العزیز آل سعود کا انتقال ہوگیا ہے۔
سعودی میڈیا کے مطابق شہزادی جواہر بنت بندر بن محمد بن عبد العزیز آل سعود کی نماز جنازہ ریاض کی جامع مسجد امام ترکی بن عبد اللہ میں عصر کی نماز کے بعد ادا کی گئی۔
نماز جنازہ میں ریاض کےگورنر اور نائب گورنر کے علاوہ اعلیٰ سعودی حکام اور شاہی خاندان کے افراد شریک ہوئے۔
سعودی ایوان شاہی کی جانب سے متوفیہ کے لیے مغفرت اور بلندی درجات کی دعا کی گئی ہے۔
