بھارت اپنے عوام کو نہیں بتائے گا کہ اسے ہر طرف سے مار پڑ رہی ہے: خواجہ آصف

اسلام آباد: وزیر دفاع خواجہ آصف نے بھارت کو مسلسل شکست کھانے کے باوجود جھوٹ بولنے پر آڑے ہاتھوں لے لیا۔

 پارلیمنٹ ہاؤس کے باہر میڈیا سے گفتگو کرتے ہوئے خواجہ آصف نے کہا کہ بھارت ہر طرف سے مار کھا رہا ہے، بھارت نے اپنے عوام کو بھی مطمئن رکھنا ہے، بھارت اپنے عوام کو یہ تو نہیں بتائے گا کہ ان کو ہر طرف سے مار پڑ رہی ہے، بھارت کا جھوٹ بے نقاب ہو رہا ہے۔

خواجہ آصف نے کہا کہ پاکستان نے کسی سویلین علاقے کو نشانہ نہیں بنایا، پاکستان نے صرف ملٹری ٹارگٹ کو نشانہ بنایا ہے، پاکستان کے عوام آرام کریں، پاک فوج پاکستان کی حفاظت کر رہی ہے۔

واضح رہے کہ پاکستانی فورسز نے 6 اور 7 مئی کی بھارتی جارحیت کو ناکام بناتے ہوئے بھارت کی جانب سے اب تک بھیجے گئے 77 ڈرونز تباہ کر دیے۔

اس کے علاوہ 7 مئی کو فضا میں ہونے والی دنیا کی سب سے بڑی ڈاگ فائٹ میں شاہینوں نے بھارتی رافیل کا غرور خاک میں ملا دیا تھا۔

7 مئی کو فضا میں دنیا کی سب سے بڑی ڈاگ فائٹ، شاہینوں نے بھارتی رافیل کا غرور خاک کردیا

7 مئی 2025 کو ہونے والی یہ لڑائی 59 منٹ تک جاری رہی اور اسے اب تاریخ کی سب سے بڑی ڈاگ فائٹ مانا جا رہا ہے

پاکستان نے بھارت کی جانب سے بھیجے گئے 77 اسرائیلی ساختہ ڈرونز تباہ کر دیے

8 مئی کی شام تک 29 ڈرونز تباہ کیے، گزشتہ رات اور آج دن تک مزید 48 ڈرونز تباہ کیےگئے: سکیورٹی ذرائع