12 مارچ ، 2013 
اذلان شاہ ہاکی، نیوزی لینڈ نے کوریا کو 3-0 سے ہرا دیا
12 مارچ ، 2013
ایپوہ… اذلان شاہ کپ ہاکی ٹورنامنٹ میں دفاعی چمپئن نیوزی لینڈ نے کوریا کو 3-0 سے ہرا کر ایونٹ میں پہلی کامیابی حاصل کر لی۔ منگل کو اذلان شاہ سٹیڈیم میں کھیلے گئے میچ میں نیوزی لینڈ نے شروع ہی سے جارحانہ کھیل پیش کیا اور چوتھے منٹ میں اسٹیفن جینس کے گول کے ذریعے برتری حاصل کر لی۔ 12 ویں منٹ میں نیوزی لینڈ کو پنالٹی کارنر ملا جس پر کوری بینٹ نے گول کرکے برتری کو دگنا کر دیا۔ پہلے ہاف کے اختتام تک نیوزی لینڈ کو دو گول کی برتری حاصل تھی، دوسرے ہاف میں بھی نیوزی لینڈ کے کھلاڑیوں نے عمدہ کھیل پیش کیا اور ساتویں منٹ میں اینڈی ہاورڈ نے گول کرکے نیوزی لینڈ کو 3-0 کی برتری دلا دی۔ کوریا کی ٹیم دوسرے ہاف میں بھی کوئی گول سکور نہ کر سکی، اس طرح نیوزی لینڈ نے ایونٹ میں پہلی کامیابی حاصل کر لی۔ فاتح ٹیم کو ابتدائی دونوں میچز میں شکست کا سامنا کرنا پڑا۔ پہلے میچ میں پاکستان نے 4-3 اور دوسرے میں ملائیشیا نے 3-2 سے شکست دی۔
مزید خبریں :
پاکستانی ٹیسٹ کرکٹر ظفرگوہر کا انگلش کاؤنٹی مڈل سکس سے معاہدہ
05 نومبر ، 2024
نعمان علی آئی سی سی پلیئر آف دی منتھ کیلئے نامزد
05 نومبر ، 2024
پاکستان کے محمد آصف ورلڈ اسنوکر چیمپئن شپ کے فائنل میں پہنچ گئے
05 نومبر ، 2024
