15 مئی ، 2025 
ٹرمپ کے ایران سے معاہدےکے عندیےکے بعد عالمی منڈی میں تیل کی قیمتوں میں نمایاں کمی
15 مئی ، 2025
ٹرمپ کے ایران سے جوہری معاہدے کے عندیےکے بعد عالمی منڈی میں تیل کی قیمتوں میں نمایاں کمی دیکھی جارہی ہے۔
عالمی منڈی میں تیل کی قیمت میں 2 فیصد سے زائدکمی ہوئی ہے۔
برطانوی خام تیل برینٹ آئل64 ڈالر اور امریکی خام تیل ڈبلیو ٹی آئی 62 ڈالرکی سطح پر آگیا ہے۔
عالمی گیس کی قیمت معمولی کمی کے ساتھ 3 ڈالرز 45 سینٹ فی ایم ایم بی ٹی یو میں فروخت ہو رہی ہے۔
خیال رہے کہ قطر کےدورے پر امریکی صدر ٹرمپ نےکہا تھا کہ ایران کےساتھ جوہری ڈیل کرنے کےبہت قریب آگئے ہیں۔
ٹرمپ کا کہنا تھا کہ طویل مدتی امن کے لیے ایران کے ساتھ بہت سنجیدہ مذاکرات کر رہے ہیں۔
دوسری جانب اقتصادی تعاون کمیٹی نے ریفائنریز، آئل مارکیٹنگ اور ڈیلرز کے نقصانات پورے کرنے کے لیے پیٹرول اور ہائی اسپیڈ ڈیزل کی قیمت میں فی لیٹر چار روپے 12 پیسے اضافے کی منظوری دے دی ہے۔
جنگ اور دی نیوز میں شائع خالد مصطفیٰ کی رپورٹ کے مطابق یہ اضافہ 16 مئی سے عالمی منڈی میں تیل کی قیمتوں میں کمی کے باعث متوقع ریلیف میں ایڈجسٹ کیا جائےگا۔
اس فیصلے کے باعث پیٹرولیم مصنوعات کی قیمتوں میں متوقع کمی کا عوام کو ریلیف کم مل سکےگا۔ حکومت کی طرف سے پیٹرولیم مصنوعات کی قیمتوں میں ردوبدل کا اعلان آج کیا جائےگا۔
مزید خبریں :
پاکستان اسٹاک ایکسچینج میں آج کاروبارکا ملا جلا دن رہا
14 مئی ، 2025
سونے کی فی تولہ قیمت میں کمی آگئی
14 مئی ، 2025
نائب وزیراعظم اسحاق ڈار کا چینی کی قیمت کم کرنے کا حکم
14 مئی ، 2025
