21 مئی ، 2025 
پاک بھارت تعلقات معمول پر لانے کیلئے 49 فیصد پاکستانی تجارت بڑھانے کے حامی، گیلپ سروے
21 مئی ، 2025
عوامی آرا جاننے والے ادارے گیلپ پاکستان نے پاکستان اور بھارت کی حالیہ کشیدگی کے حوالے سے نیا سروے جاری کردیا۔
سروے میں پاک بھارت تعلقات معمول پر لانے کے لیے 49 فیصد پاکستانی تجارت بڑھانے کے حامی نکلے، 35 فیصد نے مخالفت کی اور کہا کہ پہلے تمام مسائل حل کیے جائیں پھر تجارت بڑھائی جائے۔
سروے میں 48 فیصد پاکستانیوں نے کھیل کے میدان میں تعاون بڑھانے، 44 فیصد نے دونوں ممالک کے درمیان تعلیمی سرگرمیاں بڑھانے جبکہ 40 فیصد نے ثقافتی سرگرمیوں میں اضافے کو دونوں ممالک کے درمیان تعلقات معمول پر لانے کے لیے ضروری کہا۔
بھارت کے ساتھ حالیہ کشیدگی کے بعد 86 فیصد پاکستانیوں نے کہا اگر وہ 1947 میں ہوتے تو ہندوستان سے علیحدگی کے حق میں ووٹ دیتے، البتہ 3 فیصد نے کہا وہ مخالفت کرتے۔
