22 مئی ، 2025 
واشنگٹن میں فائرنگ سے اسرائیلی سفارتخانے کے 2 اہلکار ہلاک
22 مئی ، 2025
امریکی دارالحکومت واشنگٹن ڈی سی میں فائرنگ سے اسرائیلی سفارتخانے کے 2 اہلکار ہلاک ہوگئے۔
امریکا کی سیکرٹری ہوم لینڈ کرسٹی نوم نے بتایا کہ فائرنگ کا واقعہ واشنگٹن ڈی سی میں یہودی میوزیم کے قریب پیش آیا اور واقعے کی تحقیقات جاری ہیں۔
سیکرٹری ہوم لینڈ کے مطابق واقعے میں اسرائیلی سفارتخانے کے اسٹاف کے 2 اہلکاروں کو فائرنگ کرکے قتل کیا گیا جن میں ایک مرد اور ایک خاتون شامل ہے جب کہ فائرنگ کے وقت اسرائیلی سفیر اس مقام پر موجود نہیں تھے۔
اس کے علاوہ واشنگٹن ڈی سی میں پولیس حکام کا کہنا ہے کہ انہوں نے فائرنگ کے شبے میں ایک 30 سال شخص کو حراست میں لیا ہے جس سے تفتیش جاری ہے۔
دوسری جانب اسرائیلی سفارتخانے نے اپنے بیان میں کہا کہ ہلاک ہونے والوں کو قریب سے نشانہ بنایا گیا ہے۔
