پاکستان
13 مارچ ، 2013
13 مارچ ، 2013 
سندھ میں نگران سیٹ اپ، مشاورت کا عمل مکمل ہوچکا،فاروق ستار
13 مارچ ، 2013
کراچی…ایم کیو ایم کے رہ نما ڈاکٹر فاروق ستار نے کہا ہے کہ ان کی اطلاع کے مطابق سندھ اسمبلی 16 مارچ کو قومی اسمبلی کے ساتھ ہی تحلیل کر دی جائے گی۔ امیدواروں کی جانچ پڑتال کیلئے الیکشن کمیشن کو خود مختار ہونا چاہئے۔ راول پنڈی میں میڈیا سے گفت گو میں فاروق ستار کا کہنا تھا کہ عوام کو پتہ ہونا چاہیئے کہ وہ کون سے نمائندے منتخب کر رہے ہیں، امیدواروں کی جانچ پڑتال کیلئے سات دن کی بجائے 15 دن ہونے چاہئیں ، ان کا کہنا تھا کہ آج شام ان کی جماعت کی حکمران جماعت سے ملاقات ہے ،سندھ میں نگران سیٹ اپ کے لئے مشاورت کا عمل تقریباً مکمل ہوچکا ہے۔
