03 جون ، 2025 
کراچی: جیو نیوز نے ڈیفنس میں تشدد کے شکار نوجوان کو ڈھونڈ نکالا، متاثرہ لڑکے کا بیان سامنے آگیا
03 جون ، 2025
کراچی: ڈیفنس میں تشدد کا نشانہ بننے والا نوجوان اور اس کے اہلخانہ کو جیو نیوز نے ڈھونڈ نکالا۔
رنچھوڑلائن کے رہائشی سدھیر اور اس کی بہن کلپنا اہلخانہ سمیت گھر کو تالا لگاکر کہیں چلے گئے تھے جب کہ اب سدھیر نے میڈیا پر آکر اپنا پہلا بیان دیا ہے۔
متاثرہ لڑکے سدھیر نے جیو نیوز سے گفتگو کرتے ہوئے کہا کہ میری بہن ڈیفنس میں دفترمیں نوکری کرتی ہے، خیابان اتحاد میں دونوں بہنوں کو لینے جارہا تھا، جیسے ہی بہنوں کے قریب پہنچا تو گاڑی سے ٹکرہوئی۔
متاثرہ لڑکے کے مطابق گاڑی میں سوار شخص نے تشدد کرنا شروع کردیا، میں معافی مانگتا رہا مگر وہ مارتے رہے، قریب موجود شخص نےاسلحہ کے زور پر گاڑی میں بٹھایا، اسلحہ بردار شخص بھی شدید تشدد کا نشانہ بناتا رہا، سلمان فاروقی اور دوسرے شخص سے بہنیں معافی مانگتی رہیں، ان تمام افراد نے شدید تشدد کے بعد دھمکاکر چھوڑ دیا۔
