05 جون ، 2025 
اس سال 16 لاکھ سے زائد عازمین نے حج کی سعادت حاصل کی
05 جون ، 2025
مکہ مکرمہ:اس سال 16 لاکھ 73 ہزار 230 عازمین نے حج کی سعادت حاصل کی ہے۔
عرب میڈیا کے مطابق سعودی وزارت شماریات کی جانب سے جاری اعداد و شمار کے مطابق رواں سال 171 ممالک سے 15 لاکھ 6 ہزار 576 عازمین نے حج کی سعادت حاصل کی جب کہ سعودی عرب سے اس سال 1 لاکھ 66 ہزار 654 افراد نے حج ادا کیا۔
سعودی خبر ایجنسی کے مطابق اندرون اور بیرون ملک سے آنے والے حجاج میں مردوں کی تعداد 8 لاکھ 77 ہزار 841 تھی جب کہ 7 لاکھ 95 ہزار 389 خواتین نے حج ادا کیا۔
خیال رہےکہ جمعرات کے روز 16 لاکھ سے زائد حجاج نے حج کا رکن اعظم وقوف عرفہ ادا کیا۔
حجاج غروب کے ساتھ ہی مزدلفہ کے لیے روانہ ہوگئے جہاں پہنچ کر انہوں نے سنت نبوی ﷺ کی پیروی کرتے ہوئے مغرب اور عشاء کی نمازیں قصر و جمع کی صورت میں ادا کیں۔
حجاج آج شب مزدلفہ میں بسر کرنے کے بعد فجر نماز ادا کرنے کے فوری بعد وادی منٰی روانہ ہوجائیں گے جہاں وہ بڑے شیطان کو کنکریاں مارنے اور قربانی کرنے کے بعد احرام کھول دیں گے۔
مزید خبریں :
غزہ میں اسرائیلی فوج کے ہاتھوں مزید 72 فلسطینی شہید
4 گھنٹے پہلے
چین نے امریکا کے ساتھ تجارتی معاہدے کی تصدیق کردی
8 گھنٹے پہلے
