09 جون ، 2025 
راولپنڈی: گھر میں سوئے باپ اور 2 بیٹوں کو فائرنگ کر کے قتل کر دیا گیا
09 جون ، 2025
راولپنڈی کے علاقے درکالی سیداں میں فائرنگ سے گھر میں سوئے ہوئے والد اور دو بیٹوں کو قتل کر دیا گیا۔
پولیس کے مطابق تھانہ جاتلی کے علاقے درکالی سیداں میں فائرنگ سے 3 افراد جاں بحق ہوئے، ملزمان نے گھر میں داخل ہو کر سوئے ہوئے افراد پر فائرنگ کی۔
پولیس کا بتانا ہے کہ مقتولین میں والد اور دو بیٹے شامل ہیں، تینوں لاشیں پوسٹ مارٹم کے لیے اسپتال منتقل کر دی گئی ہیں اور موقع سے شواہد اکٹھے کیے جا رہے ہیں۔
پولیس کا کہنا ہے کہ واقعہ ذاتی دشمنی کا نتیجہ معلوم ہوتا ہے تاہم معاملے کی تحقیقات جاری ہیں۔
سی پی او راولپنڈی خالد ہمدانی نے ایس پی صدر سے فائرنگ کے واقعے کی رپورٹ طلب کرتے ہوئے ملزمان کی گرفتاری کا حکم دیا ہے۔ پولیس کا کہنا ہے کہ 2 مشتبہ افراد کو تحویل میں لیکر ان سے تفتیش کی جا رہی ہے۔
مزید خبریں :
تربت میں گاڑی کے قریب دھماکا، 2 افرادجاں بحق
07 جون ، 2025
سکھر میں بھینس چوری کے جھگڑے پر 3 افراد قتل
07 جون ، 2025
