فریڈم فلوٹیلا پر اسرائیلی قبضہ آزادی کی آواز کو خاموش نہیں کرسکےگا: حماس

حماس نے فریڈم فلوٹیلا پر اسرائیلی قبضےکو منظم ریاستی دہشت گردی قرار دیتے ہوئے کہا ہے کہ فریڈم فلوٹیلا پر اسرائیلی قبضہ آزادی کی آواز کو خاموش نہیں کرسکےگا۔

ایک بیان میں حماس کا کہنا تھا کہ مختلف قومیتوں کے بہادر کارکنوں کو سلام پیش کرتے ہیں جو دھمکیوں کے سامنے ڈٹے رہے اور اس بات کی تصدیق کی کہ غزہ تنہا نہیں ہے۔

حماس کا کہنا ہےکہ فریڈم فلوٹیلا سمیت  الجزائر، تیونس اور اردن سے غزہ جانے والے امدادی قافلے اسرائیل کی پروپیگنڈا مشین کی ناکامی کی زندہ گواہی ہیں۔

حماس کا کہناہے کہ فریڈم فلوٹیلا پر اسرائیلی قبضہ آزادی کی آواز کو خاموش نہیں کرسکےگا اور نہ ہی غزہ کے لیے بڑھتی ہوئی عالمی یکجہتی کو روک سکےگا۔

اسرائیلی فوج کا غزہ تک امداد لیجانے والی کشتی پر ڈرونز سے حملہ، میڈلین کو قبضے میں لے لیا

جہاز پر سوار لوگوں پر ڈرونز سے ایسا سفید اسپرے کیا گیا جس نے جلد کو متاثر کیا اور چند ہی منٹ بعد فلوٹیلا کا کمیونی کیشن نظام جام کردیا گیا

خیال رہے کہ قابض اسرائیلی بحری فوج نے فریڈم فلوٹیلا کولیشن میں شامل غزہ میں امداد لے جانے والی کشتی 'میڈلین' کو بین الاقوامی پانیوں میں روک کر اس کا محاصرہ کیا اور اسے قبضے میں لے لیا جب کہ جہاز پر سوار افراد کو بھی حراست میں لے لیا گیا۔

اسرائیلی فوج نے جہاز کا گھیراؤ کرنے کے بعدکمیونیکیشن کو جام کیا اور مطالبہ کیا کہ جہاز میں موجود ہر شخص اپنا فون بند کر دے جس کے بعد جہاز کے ارکان کا رابطہ منقطع ہوگیا جبکہ جہاز سے جاری لائیو نشریات بھی بند ہوگئیں۔

رپورٹ کے مطابق اسرائیلی فوج نے پر ڈرونز سے حملہ کرکے لوگوں پر ایسا سفید اسپرے کیا گیا جس نے جلد کو متاثر کیا۔

واضح رہے 6 جون کو سسلی سے روانہ ہونے والی اس کشتی میں معروف ماحولیاتی کارکن گریٹا تھنبرگ اور یورپی پارلیمان کی رکن ریما حسن سمیت مختلف ممالک کے 11 افراد سوار ہیں۔

اسرائیلی وزارت داخلہ کا کہنا ہے کہ 'شو' ختم ہوچکا، فریڈم فلوٹیلا کےمسافروں کو ان کے وطن واپس بھیجا جاسکتاہے۔

اقوام متحدہ کی فلسطین کے لیےخصوصی نمائندہ فرانسسکا البانیز کا کہنا ہےکہ فریڈم فلوٹیلا کا سفر شاید ختم ہوگیا ہو مگر مشن ابھی ختم نہیں ہوا، بحیرہ روم کی ہر بندرگاہ کو غزہ کے لیے امداد اور یکجہتی کے ساتھ کشتیاں بھیجنی چاہئیں۔

غزہ میں اسرائیلی بمباری عید کے روز بھی نہ تھم سکی، مزید42 فلسطینی شہید

فلسطینیوں کے لیے عید الاضحیٰ کے پہلے دن کا آغاز دکھ اور تباہی کے ساتھ ہوا، اسرائیلی نے مختلف علاقوں پر حملے کردیے

غزہ میں پناہ گزین کیمپوں اور ال اہلی اسپتال پر اسرائیلی بمباری، 50 فلسطینی شہید

اسرائیل نے لبنان میں حزب اللہ کے ٹھکانوں پر بھی حملے کیے، جس کے نتیجے میں کئی عمارتیں تباہ اور جانی نقصان کا خدشہ بھی پیدا ہوگیا۔