14 جون ، 2025 
جنگ میں اسرائیل کی ساری توجہ غزہ سے ہٹ کر ایران کی جانب ہے: اسرائیلی فوج
14 جون ، 2025
اسرائیلی ڈیفنس فورس (آئی ڈی ایف) نے ایران کو پرائمری اور غزہ کو سکینڈری وار فرنٹ قرار دے دیا۔
اسرائیلی اخبار کے مطابق ہفتے کو اسرائیلی فوج نے اس بات کی تصدیق کی کہ افواج کی تمام تر توجہ اب غزہ سے ہٹ کر ایران کی جانب مرکوز ہوگئی ہے۔
اسرائیلی فوج کا کہنا ہےکہ فوج کی جانب سے ایران کے دو فوجی مقامات کو نشانہ بنایا گیا اور کافی نقصان پہنچایا۔
اسرائیلی عسکری ذرائع کے مطابق گزشتہ 24 گھنٹوں سے ائیر فورس جیٹس نے ایران کے اندر 150 اہداف کو نشانہ بنایا۔
اسرائیلی اخبار کی رپورٹ کے مطابق آئی ڈی ایف نے پہلی بار تسلیم کیا کہ ایران کی نیوکلیئر سائٹ 'فورڈو' اور 'نوٹنگ' کو نشانہ بنایا گیا ہے تاہم ان سائٹس کو ویسا نقصان نہیں پہنچا جس نوعیت کا حملہ کیا گیا تھا۔
اسرائیلی ڈیفنس فورس نے یہ بھی کہا کہ فضائیہ کی کوششوں سے ایران کے دارالحکومت تہران کے لیے ایک محفوظ راستہ پیدا ہوگیا ہے اور وہ اب اس کی فضائی حدود میں آزادانہ طور پر رسائی حاصل کرسکتے ہیں۔
