15 جون ، 2025 
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
کراچی میں 24 گھنٹوں کے دوران مطلع جزوی ابرآلود رہنے کا امکان ہے۔
محکمہ موسمیات کے مطابق چوبیس گھنٹوں کے دوران شہر کا موسم گرم اور مرطوب رہے گا، آج زیادہ سے زیادہ درجہ حرارت 37 ڈگری سینٹی گریڈ تک جا سکتا ہے۔
کراچی میں آج ہوا میں نمی کا تناسب اس وقت 72 فیصد ہے، شہر میں اس وقت ہواؤں کی رفتار 18 کلومیٹر فی گھنٹہ ہے،کراچی میں پیر اور منگل کو بارش کا امکان موجود ہے۔
محکمہ موسمیات کے مطابق پیر کو چند مقامات پر آندھی اور گرج چمک کے ساتھ بارش کا امکان ہے،شہرِ قائد میں بارش ہلکے سے درمیانے درجے کی متوقع ہے۔
دوسری جانب پنجاب اور خیبر پختونخوا میں بھی محکمہ موسمیات نے بارش کا امکان ظاہر کیا ہے۔
اس کے علاوہ محکمہ موسمیات نے بالائی سندھ کے تمام اضلاع میں آندھی اور بارش کی پیشگوئی کی ہے۔
محکمہ موسمیات کے مطابق بالائی سندھ کےتمام اضلا ع میں آندھی اوربارش کا امکان ہے جب کہ جھکڑ چلنےاوربارش سےگرمی کی لہر میں بھی کمی واقع ہوگی۔
مزید خبریں :
ایران اور عراق میں ہزاروں پاکستانی پھنس گئے
8 گھنٹے پہلے
